ٸشكٸ ٸستەر مينيسترلٸگٸ كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ ادام ساۋداسى ٷشٸن قولدانىلاتىن ەڭ اۋىر جازانىڭ قانداي ەكەنٸن ايتتى, حابارلايدى قازاقپارات.
«ٶكٸنٸشكە قاراي, ادام ساۋداسى بٸزدٸڭ ەلٸمٸزدە دە انىقتالۋدا. سوندىقتان ٸشكٸ ٸستەر مينيسترلٸگٸ بۇل قىلمىس تٷرٸنە اسا كٶڭٸل بٶلٸپ وتىر. كٷرەس تيٸمدٸ بولۋ ٷشٸن زاڭنامالىق تۇرعى دا, پراكتيكالىق تۇرعىدا دا ناقتى شارالار قابىلدانعان. مۇنداي ساناتتاعى قىلمىس جاساعانى ٷشٸن قىلمىستىق كودەكستە مٷلكٸنەن ايىرا وتىرىپ, 18 جىلعا باس بوستاندىعىنان ايرىرۋ سيياقتى ەڭ جوعارى جازاعا دەيٸن قاراستىرىلعان», - دەدٸ ول ٸشكٸ ٸستەر مينيسترلٸگٸنٸڭ ونلاين باسپاسٶز الاڭىندا.
دەپارتامەنت ٶكٸلٸنٸڭ سٶزٸنشە, بۇل نورماعا سوڭعى ٶزگەرٸس بىلتىر قاڭتاردا ەنگٸزٸلٸپتٸ.
«ادام ورگاندارىن, كەمەلەتكە تولماعانداردى ساتقانى جەنە ولاردى جەزٶكشەلٸكپەن اينالىسۋعا تارتقانى ٷشٸن قولدانىلاتىن جازالار قاتاڭداتىلدى. ٷكٸمەت جانىندا ۆەدومستورارالىق كوميسسييا جۇمىس ٸستەيدٸ. ونىڭ اياسىندا مەملەكەتتٸك جەنە جەرگٸلٸكتٸ اتقارۋ ورگاندارىنا ۇسىنىمدار بەرٸلەدٸ. ٸشكٸ ٸستەر ورگاندارىنىڭ قٷرىلىمىندا, ياعني مينيسترلٸك ٶزٸندە دە, ونىڭ اۋماقتىق بٶلٸمشەلەرٸندە دە ادام ساۋداسىمەن كٷرەس جٶنٸندەگٸ بٶلٸمشەلەر جۇمىس ٸستەيدٸ», - دەدٸ قانات نۇرماعامبەتوۆ.
