Ishki ister ministrligi Kriminaldyq politsiia departamenti bastyǵynyń orynbasary Qanat Nurmaǵambetov adam saýdasy úshin qoldanylatyn eń aýyr jazanyń qandai ekenin aitty, habarlaidy QazAqparat.
«Ókinishke qarai, adam saýdasy bizdiń elimizde de anyqtalýda. Sondyqtan Ishki ister ministrligi bul qylmys túrine asa kóńil bólip otyr. Kúres tiimdi bolý úshin zańnamalyq turǵy da, praktikalyq turǵyda da naqty sharalar qabyldanǵan. Mundai sanattaǵy qylmys jasaǵany úshin Qylmystyq kodekste múlkinen aiyra otyryp, 18 jylǵa bas bostandyǵynan airyrý siiaqty eń joǵary jazaǵa deiin qarastyrylǵan», - dedi ol Ishki ister ministrliginiń onlain baspasóz alańynda.
Departament ókiliniń sózinshe, bul normaǵa sońǵy ózgeris byltyr qańtarda engizilipti.
«Adam organdaryn, kámeletke tolmaǵandardy satqany jáne olardy jezókshelikpen ainalysýǵa tartqany úshin qoldanylatyn jazalar qatańdatyldy. Úkimet janynda vedomstoraralyq komissiia jumys isteidi. Onyń aiasynda memlekettik jáne jergilikti atqarý organdaryna usynymdar beriledi. Ishki ister organdarynyń qúrylymynda, iaǵni ministrlik ózinde de, onyń aýmaqtyq bólimshelerinde de adam saýdasymen kúres jónindegi bólimsheler jumys isteidi», - dedi Qanat Nurmaǵambetov.
