الماتى تۇرعىندارى اسا كٶرنەكتٸ قالامگەر, قازاقستاننىڭ ەڭبەك ەرٸ, حالىق جازۋشىسى, ۇلى وتان سوعىسىنىڭ ارداگەرٸ ەبدٸجەمٸل كەرٸمۇلى نۇرپەيٸسوۆتٸ سوڭعى ساپارعا شىعارىپ سالدى, دەپ حابارلايدى قازاقپارات.
قارالى جيىندا قازاقستان رەسپۋبليكاسىنىڭ مەملەكەتتٸك حاتشىسى ەرلان كارين پرەزيدەنت قاسىم-جومارت توقاەۆ كٶڭٸل ايتۋ جەدەلحاتىن وقىپ بەردٸ.
«اسا كٶرنەكتٸ قالامگەر, قازاقستاننىڭ ەڭبەك ەرٸ, حالىق جازۋشىسى, ۇلى وتان سوعىسىنىڭ ارداگەرٸ ەبدٸجەمٸل كەرٸمۇلى نۇرپەيٸسوۆتٸڭ دٷنيەدەن ٶتۋٸنە بايلانىستى كٶڭٸل ايتامىن. ەبدٸجەمٸل كەرٸمۇلى سۇراپىل سوعىستى باستان كەشٸپ, ەلگە ورالعان سوڭ, قازاق ەدەبيەتٸن ٶركەندەتۋگە سٷبەلٸ ٷلەس قوستى.
ۇزاق جىلعى شىعارماشىلىق قىزمەتٸ جەمٸستٸ بولدى. «قان مەن تەر» تريلوگيياسى, «سوڭعى پارىز» ديلوگيياسى سيياقتى تۋىندىلارى سىنشىلارمەن وقىرماندار تاراپىنان جوعارى باعا الدى. زامان جٷگٸن كٶتەرگەنروماندارى ەلەمنٸڭ كٶپتەگەن تٸلدەرٸنە اۋدارىلدى.
ەبدٸجەمٸل كەرٸمۇلىنىڭ جاڭا بەلەستٸ باعىندىرعان قازاق ەدەبيەتٸن شەتەلگە تانىتۋعا سٸڭٸرگەن ەڭبەگٸ وراسان زور. ول ۇلت رۋحانيياتىنىڭ كٶشباسشىسى بولدى.
ەبدٸجەمٸل نۇرپەيٸسوۆ ادام جانىن تەرەڭ تٷسٸنەتٸن, تٷرلٸ تاعدىردىڭ بەينەسٸن كٶركەم سۋرەتتەي وتىرىپ وقىرمانعا جەتكٸزگەن ويلى, كەڭ تىنىستى جازۋشى بولاتىن. ٶمٸر بويى قولىنان قالامى تٷسكەن جوق. قازاق ەلٸنٸڭ رۋحاني-مەدەني سالاسىن دامىتۋ جولىندا ٶلشەۋسٸز قىزمەت اتقاردى.
ول - ۇلت كلاسسيكتەرٸنٸڭ جولىن لايىقتى جالعاستىرعان قۋاتتى قالامگەر. سولايشا, ٶزٸ دە قازاق ەدەبيەتٸنٸڭ پاتريارحىنا اينالدى.
ەبدٸجەمٸل نۇرپەيٸسوۆتٸڭ سوڭىندا ۇرپاققا ٷلگٸ, ۇلىسقا يگٸلٸك بولاتىن شىعارمالارى قالدى. ەلگە ەس, سىرتقا سەس بولعان جازۋشىنىڭ ەندٸ ەكٸنشٸ ٶمٸرٸ باستالدى.
ٶنەگەلٸ عۇمىر كەشٸپ, سوڭىندا مول مۇرا قالدىرعان ەبدٸجەمٸل كەرٸمۇلىنىڭ جارقىن بەينەسٸ ۇمىتىلمايدى.
حالقىمىز ەسٸمٸن ەردايىم ارداق تۇتادى. مارقۇمنىڭ يمانى سالامات, جانى جەنناتتا بولسىن», - دەلٸنگەن كٶڭٸل ايتۋ جەدەلحاتىندا.
