ەبدٸجەمٸل كەرٸمۇلى نۇرپەيٸسوۆ 1924 جىلى 22 قازاندا قىزىلوردا وبلىسى, ارال اۋدانىنىڭ قۇلاندى اۋىلدىق كەڭەسٸنە قاراستى ٷشكٶڭ دەگەن جەردە دٷنيەگە كەلگەن. ول - قازاقستاننىڭ حالىق جازۋشىسى, XX عاسىردا قازاق ەدەبيەتٸنە زور ٷلەس قوسقان سۋرەتكەرلەردٸڭ بٸرٸ, قوعام قايراتكەرٸ.
1942-1945 جىلدارى ۇلى وتان سوعىسىنا قاتىسقان.
1956 جىلى م.گوركيي اتىنداعى ەدەبيەت ينستيتۋتىن بٸتٸرگەن. 1962-1964 جىلدارى «جۇلدىز» جۋرنالىنىڭ باس رەداكتورى بولدى. حالىقارالىق قازاق پەن كلۋبىنا جەتەكشٸلٸك جاسادى.
ەدەبيەتكە 1947 جىلدان ارالاسا باستاعان قالامگەردٸڭ تۇڭعىش شىعارماسى - ۇلى وتان سوعىسى تاقىرىبىنا ارنالعان «كۋرلياندييا» رومانى 1950 جىلى جارىق كٶردٸ. بۇل شىعارماسى ٷشٸن جازۋشىعا جامبىل اتىنداعى رەسپۋبليكالىق سىيلىق بەرٸلدٸ. كەيٸن قالامگەر «كۋرلياندييا» رومانىن ٶڭدەپ, تولىقتىرىپ, 1958 جىلى «كٷتكەن كٷن» دەگەن اتپەن قايتا جارييالادى.
سونداي-اق, ونىڭ «قان مەن تەر» تريلوگيياسى (1-كٸتاپ – «ىمىرت», 1961; 2-كٸتاپ – «سەرگەلدەڭ», 1964; 3-كٸتاپ – «كٷيرەۋ», 1970) جەنە «سەڭ» (1983), «سوڭعى پارىز» (1999) روماندارى دٷنيە جٷزٸ حالىقتارىنىڭ كٶپتەگەن تٸلدەرٸنە اۋدارىلعان.
تاڭدامالى ەدەبي-سىن ماقالالارى «تولعاۋ» (كەيٸننەن «جٷرەگٸ تولى جىر ەدٸ») دەگەن اتپەن قازاق جەنە ورىس تٸلدەرٸندە جەكە كٸتاپ بوپ شىقتى (1972), 1985 جىلى «اقبيداي تۋرالى اڭىز» اتتى وچەركتەر جيناعى جارىق كٶردٸ.
ا.پ.چەحوۆتىڭ, ا.م.گوركييدٸڭ, نازىم حيكمەتتٸڭ, يسپان جازۋشىسى ا.كەسونىڭ شىعارمالارىن قازاق تٸلٸنە اۋدارعان.
ول - كسرو مەملەكەتتٸك سىيلىعىنىڭ لاۋرەاتى (1974). 2001 جىلى مەسكەۋدەگٸ حالىقارالىق ەدەبي قوردىڭ «زا چەست ي دوستوينستۆو», 2003 جىلى حالىقارالىق م.شولوحوۆ اتىنداعى سىيلىقتاردىڭ لاۋرەاتى اتاندى. كٶپتەگەن ورلەن-مەدالدارمەن ماراپاتتالعان. 1985 جىلى قازاق كسر حالىق جازۋشىسى قۇرمەتتٸ اتاعى بەرٸلدٸ.
2019 جىلى جازۋشى 95 جاسىن اتاپ ٶتتٸ. سول كەزدە پرەزيدەنت وعان ەرەكشە بەلگٸ بەرگەن ەدٸ. "سٸز بٸزدٸڭ حالقىمىزعا كەرەكسٸز", - دەدٸ توقاەۆ نۇرپەيٸسوۆكە.
ۇلت پورتالىنىڭ ۇجىمى قازاق جۇرتىنا قادٸرلٸ بولعان كٶرنەكتٸ قالامگەردٸڭ دٷنيەدەن وزۋىنا بايلانىستى ونىڭ وتباسى مەن تۋعان-تۋىستارىنا قايعىرىپ كٶڭٸل ايتادى.
مارقۇمنىڭ جاتقان جەرٸ جايلى, توپىراعى تورقا بولسىن. پەيٸشتە نۇرى شالقىپ, جاراتقان ارتىنداعى ۇرپاعىنا ۇزاق عۇمىر بەرسٸن!
