ابايدىڭ «جيدەباي-بٶرٸلٸ» مەملەكەتتٸك قورىق-مۋزەيٸنٸڭ ديرەكتورى جاندوس ەۋبەكٸر ۇلى اقىننىڭ 175 جىلدىق مەرەيتويىنا بٶلٸنەتٸن قوماقتى قاراجاتتىڭ قايدا جۇمسالاتىنىن ايتتى, دەپ حابارلايدى "ۇلت اقپارات"..
«ابايدىڭ 175 جىلدىق مەرەيتويىنا ارنالعان شارالارعا قوماقتى قارجى بٶلٸنٸپ وتىر. بۇل وسى جىلى ەلدٸگٸمٸز بەن رۋحانيياتىمىز ٷشٸن اسا ماڭىزدى شارا ەرٸ مەملەكەتتٸك قانا ەمەس, حالىقارالىق دەڭگەيدە اتقارىلاتىن زور مٸندەت. بيىل وسى مەرەيتوي اياسىندا جوسپارلانىپ وتىرعان قاراجات ٸرٸ حالىقارالىق جەنە رەسپۋبليكالىق قوعامدىق ماڭىزى بار عىلىمي, اعارتۋشىلىق ٸس-شارالارعا, اباي مۇراسىن ناسيحاتتاۋعا باعىتتالعان كٶرمەلەرگە, جالپى اقىن ٶمٸرٸنەن سىر شەرتەتٸن قۇندى جەدٸگەرلەردٸ ساقتاپ وتىرعان مۋزەي سالاسىنا جۇمسالاتىن بولادى», - دەدٸ ول.
مۋزەي ديرەكتورىنىڭ ايتۋىنشا, مەرەيتوي اياسىندا ابايدىڭ قاستەرلٸ مەكەنٸ – ەيگٸلٸ جيدەبايدى اباتتاندىرۋ, ۇلى اقىننىڭ رۋحىنا تاعزىم ەتۋگە كەلەتٸن جۇرتشىلىققا قولايلى جاعداي جاساۋ كٶزدەلگەن.
«سونىمەن قاتار پرەزيدەنت قاسىم-جومارت توقاەۆ «اباي جەنە ححٸ عاسىرداعى قازاقستان» ماقالاسىندا اتاپ ٶتكەندەي, ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەيٸن عىلىمي-تانىمدىق جۇمىستارمەن اينالىساتىن ورتالىققا اينالدىرۋ جوسپارلانىپ وتىر. بٸر سٶزبەن ايتقاندا بۇل توي ۇلى اقىن ابايدىڭ رۋحىنا تاعزىم ەتٸپ, مۇراسىن دەرٸپتەپ, بارشا ەلەم جۇرتشىلىعىنا ابايدى تانىتۋ, قازاق ەلٸنٸڭ مەدەنيەتٸ مەن رۋحانيياتىن پاش ەتۋ ٷشٸن ٶتكٸزٸلمەك», - دەدٸ جاندوس ەۋبەكٸر.
