اباي وبلىسى ەكٸمٸ رەفەرەندۋمدا داۋىس بەردٸ

وبلىس ەكٸمٸ بەرٸك ۋەلي سەمەي قالاسىنداعى مەديتسينالىق ۋنيۆەرسيتەت عيماراتىندا ورنالاسقان №93 رەفەرەندۋم ۋچاسكەسٸنە بارىپ, ٶز تاڭداۋىن جاسادى. ايماق باسشىسى بۇل كٷننٸڭ ەل ٷشٸن ماڭىزى ەرەكشە ەكەنٸن اتاپ ٶتٸپ, اباي ەلٸنٸڭ جۇرتشىلىعى ازاماتتىق بەلسەندٸلٸك تانىتاتىنىنا سەنٸم بٸلدٸردٸ.

وبلىس اۋماعىندا بارلىعى 465 رەفەرەندۋم ۋچاسكەسٸ جۇمىس ٸستەپ جاتىر. ونىڭ – 429-ى اشىق, 36-سى – جابىق ۋچاسكە. وبلىس بويىنشا 400 151 سايلاۋشى داۋىس بەرۋگە قۇقىلى. اشىق ۋچاسكەلەردٸڭ بارلىعىندا تۇرعىندار ٷشٸن مەدەني ٸس-شارالار, جەرمەڭكەلەر مەن تٷرلٸ اكتسييالار ۇيىمداستىرىلعان.

رەفەرەندۋم ۋچاسكەلەرٸندە داۋىس بەرۋشٸلەرگە قولايلى جاعداي جاسالعان. ۋچاسكەلەر قاجەتتٸ ينفراقۇرىلىممەن جابدىقتالىپ, داۋىس بەرۋ پروتسەسٸ بەلگٸلەنگەن تەرتٸپپەن ٶتۋدە. ۋچاسكەلەردە پاندۋستار ورناتىلىپ, ارنايى كٶرسەتكٸشتەر مەن ىڭعايلى داۋىس بەرۋ كابينالارى قاراستىرىلعان. قاجەت بولعان جاعدايدا ۋچاسكەلٸك كوميسسييا مٷشەلەرٸ ازاماتتارعا اقپاراتتىق كٶمەك كٶرسەتەدٸ. دەنساۋلىعىنا بايلانىستى ۋچاسكەگە كەلە المايتىن ازاماتتار ٷشٸن تاسىمالدى جەشٸك ارقىلى ٷيدە داۋىس بەرۋ مٷمكٸندٸگٸ ۇيىمداستىرىلعان. ٶڭٸردە 2164 مٷمكٸندٸگٸ شەكتەۋلٸ ازاماتتىڭ دەرەكتەرٸ ناقتىلانىپ, ولاردىڭ قاي ۋچاسكەگە تٸركەلگەنٸ تەكسەرٸلگەن.

رەفەرەندۋمدى ٶتكٸزۋگە ٶڭٸردە بٸر وبلىستىق, ەكٸ قالالىق, 10 اۋداندىق جەنە 465 ۋچاسكەلٸك كوميسسييا قاتىسۋدا. كوميسسييالاردىڭ قۇرامىندا 3254 ادام جۇمىس ٸستەيدٸ. دايىندىق كەزەڭٸندە ولاردىڭ بارلىعى ارنايى وقىتۋدان ٶتتٸ.

وبلىستا بٷگٸن 28 ينۆاتاكسي جۇمىس ٸستەيدٸ. ونىڭ ٸشٸندە سەمەي قالاسىندا 21 ارنايى كٶلٸك قىزمەت كٶرسەتەدٸ. بۇدان بٶلەك 6 سۋردواۋدارماشى جەنە ەلەۋمەتتٸك قىزمەتكەرلەر تارتىلعان.