فوتو: اشىق دەرەككٶز
اباي گارنيزونىندا قايعىلى جاعداي ورىن الىپ, سونىڭ سالدارىنان كەلٸسٸمشارت بويىنشا مٸندەتٸن اتقارىپ جٷرگەن ەسكەري قىزمەتشٸ قايتىس بولدى. بۇل تۋرالى اباي گارنيزونىنىڭ باسپاسٶز قىزمەتٸ مەلٸمدەدٸ, دەپ حابارلايدى Ult.kz.
الدىن الا مەلٸمەتتەر بويىنشا, 5 ناۋرىز كٷنٸ ساعات 9:40-تا قورعانىس مينيسترلٸگٸنٸڭ پوليگونىندا, سەمەيدەن 40 شاقىرىم جەردەگٸ اباي تاس جولىندا كراز جٷك كٶلٸكتەرٸن سٷيرەتۋ كەزٸندە ولاردىڭ اراسىندا كەلٸسٸمشارت بويىنشا ەسكەري قىزمەتشٸ قىستىرىلىپ قالعان.
ەسكەري قىزمەتشٸ اۋىر جاراقات الىپ, وقيعا ورنىندا كٶز جۇمعان.
"2026 جىلعى 5 ناۋرىزدا اباي وبلىسىندا ەسكەري تەحنيكانى پايدالانۋ كەزٸندە قاۋٸپسٸزدٸك تالاپتارىنىڭ بۇزىلۋى سالدارىنان كەلٸسٸمشارت بويىنشا ەسكەري قىزمەتشٸ ٶمٸرگە قاۋٸپتٸ اۋىر جاراقات الدى. اتالعان فاكتٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر, وقيعانىڭ بارلىق مەن-جايى انىقتالۋدا", – دەپ مەلٸمدەدٸ اباي گارنيزونىنىڭ باسپاسٶز قىزمەتٸ.
وقيعا ورنىندا قۇزىرلى ورگانداردىڭ ٶكٸلدەرٸ جۇمىس ٸستەپ جاتىر.
"قازاقستان رەسپۋبليكاسى قارۋلى كٷشتەرٸ قۇرلىق ەسكەرلەرٸنٸڭ قولباسشىلىعى مەن جەكە قۇرامى قازا تاپقان ەسكەري قىزمەتشٸنٸڭ تۋىستارى مەن جاقىندارىنا كٶڭٸل ايتادى. ولارعا بەلگٸلەنگەن تەرتٸپكە سەيكەس قاجەتتٸ قولداۋ كٶرسەتٸلەدٸ", – دەلٸنگەن ەسكەري ۆەدومستۆو حابارلاماسىندا.
