Foto: Ashyq derekkóz
Abai garnizonynda qaiǵyly jaǵdai oryn alyp, sonyń saldarynan kelisimshart boiynsha mindetin atqaryp júrgen áskeri qyzmetshi qaitys boldy. Bul týraly Abai garnizonynyń baspasóz qyzmeti málimdedi, dep habarlaidy Ult.kz.
Aldyn ala málimetter boiynsha, 5 naýryz kúni saǵat 9:40-ta Qorǵanys ministrliginiń poligonynda, Semeiden 40 shaqyrym jerdegi Abai tas jolynda KRAZ júk kólikterin súiretý kezinde olardyń arasynda kelisimshart boiynsha áskeri qyzmetshi qystyrylyp qalǵan.
Áskeri qyzmetshi aýyr jaraqat alyp, oqiǵa ornynda kóz jumǵan.
"2026 jylǵy 5 naýryzda Abai oblysynda áskeri tehnikany paidalaný kezinde qaýipsizdik talaptarynyń buzylýy saldarynan kelisimshart boiynsha áskeri qyzmetshi ómirge qaýipti aýyr jaraqat aldy. Atalǵan fakti boiynsha sotqa deiingi tergeý júrgizilip jatyr, oqiǵanyń barlyq mán-jaiy anyqtalýda", – dep málimdedi Abai garnizonynyń baspasóz qyzmeti.
Oqiǵa ornynda quzyrly organdardyń ókilderi jumys istep jatyr.
"Qazaqstan Respýblikasy Qarýly Kúshteri Qurlyq áskerleriniń qolbasshylyǵy men jeke quramy qaza tapqan áskeri qyzmetshiniń týystary men jaqyndaryna kóńil aitady. Olarǵa belgilengen tártipke sáikes qajetti qoldaý kórsetiledi", – delingen áskeri vedomstvo habarlamasynda.
