اباي وبلىسىندا «قازاۆتوجول» رەسپۋبليكالىق ماڭىزى بار «قاراعاندى – اياگٶز – تارباعاتاي – بوعاز» اۆتوموبيل جولىن نورماتيۆتٸك جاعدايعا كەلتٸرۋ جۇمىستارىن كەزەڭ-كەزەڭٸمەن جالعاستىرىپ كەلەدٸ. بيىل تاسجولدىڭ 66 شاقىرىمى ورتاشا جٶندەۋمەن قامتىلدى, دەپ حابارلايدى ult.kz.
اباي وبلىسى اۋماعىنداعى اۆتوموبيل جولىنىڭ جالپى ۇزىندىعى 618 شاقىرىمدى قۇرايدى. ونىڭ 384 شاقىرىمى 320–704 شاقىرىم ارالىعىن, تاعى 234 شاقىرىمى 707–941 شاقىرىم ارالىعىن قامتيدى. بۇل ۋچاسكەلەردەگٸ قوزعالىس قارقىندىلىعى تەۋلٸگٸنە ورتا ەسەپپەن 314-تەن 576 اۆتوكٶلٸككە دەيٸن جەتەدٸ.
تاسجول 1978–1980 جىلدارى سالىنعان. جالپى ۇزىندىعىنىڭ 440 شاقىرىمى III تەحنيكالىق ساناتقا, 178 شاقىرىمى IV ساناتقا جاتادى. جول بويىندا 24 كٶپٸر جەنە 426 سۋ ٶتكٸزۋ قۇبىرى ورنالاسقان.
«تاسجولدى جاڭارتۋ جۇمىستارى كەزەڭ-كەزەڭٸمەن جٷرگٸزٸلۋدە. 2025 جىلى 60 شاقىرىم جول ورتاشا جٶندەۋمەن قامتىلدى. اتاپ ايتقاندا, 497–528, 541–548, 561–568 جەنە 793–808 شاقىرىم ارالىعىنداعى ۋچاسكەلەر جٶندەلدٸ. قازٸرگٸ تاڭدا بۇل ۋچاسكەلەردەگٸ جۇمىستار تولىق اياقتالدى. نىساندار كەپٸلدٸك مەرزٸمٸندە تۇر. وسى كەزەڭدە پايدالانۋ بارىسىندا انىقتالعان اقاۋلاردى مەردٸگەر ۇيىمدار جويۋعا مٸندەتتٸ. 2026 جىلى تاعى 66 شاقىرىم جولدا جٶندەۋ جۇمىستارى جالعاستى. ونىڭ ٸشٸندە 707–717, 724–747 جەنە 757–790 شاقىرىم ارالىعىنداعى ۋچاسكەلەر قامتىلدى», – دەدٸ «قازاۆتوجول» ۇك» اق اباي وبلىستىق فيليالى ديرەكتورىنىڭ ورىنباسارى المات شويىنباەۆ.
العاشقى ەكٸ ۋچاسكەدە جالپى ۇزىندىعى 33 شاقىرىم بولاتىن جٶندەۋ جۇمىستارى تولىق اياقتالدى. ال 757–790 شاقىرىم ارالىعىنداعى 33 شاقىرىمدىق ۋچاسكەدە جٶندەۋ بەكٸتٸلگەن جۇمىس كەستەسٸنە سەيكەس جالعاسۋدا.
707–717 شاقىرىم ارالىعىنداعى ۋچاسكەدە جولدىڭ ايازدان ٸسٸنگەن بٶلٸكتەرٸ قالپىنا كەلتٸرٸلٸپ, جول تٶسەمٸنە سۋىق رەسايكلينگ جٷرگٸزٸلدٸ جەنە جاڭا اسفالتبەتون جامىلعىسىنىڭ ەكٸ قاباتى تٶسەلدٸ. سونداي-اق جول جيەكتەرٸ نىعايتىلىپ, ايالدامالار مەن جولاۋشىلار الاڭدارى اباتتاندىرىلدى, جارىقتاندىرۋ جٷيەسٸ ورناتىلىپ, جول تاڭبالارى سىزىلدى. 709-شاقىرىمدا ەسكەري تەحنيكانىڭ ٶتۋٸنە ارنالعان ارنايى ٶتكەل جابدىقتالدى.
724–747 شاقىرىم ارالىعىنداعى 23 شاقىرىمدىق ۋچاسكەدە دە اۋقىمدى جۇمىستار اتقارىلدى. مۇندا سۋىق رەسايكلينگ جٷرگٸزٸلٸپ, اسفالتبەتون جامىلعىسىنىڭ تٶمەنگٸ جەنە جوعارعى قاباتتارى تٶسەلدٸ, جول جيەكتەرٸ نىعايتىلدى. 735-شاقىرىمدا جاڭا سۋ ٶتكٸزۋ قۇبىرى ورناتىلدى. سونىمەن قاتار جولدى جايلاستىرۋ جەنە قوزعالىس قاۋٸپسٸزدٸگٸن قامتاماسىز ەتۋگە باعىتتالعان جۇمىستار ورىندالدى.
تاسجولدى كٷتٸپ ۇستاۋ تەك اۋقىمدى جٶندەۋ جوبالارىمەن شەكتەلمەيدٸ. جول بويىندا شۇڭقىرلاردى جٶندەۋ, جارىقتاردى بٸتەۋ, جول تاڭبالارىن سىزۋ, جول بەلگٸلەرٸن قالپىنا كەلتٸرۋ, شٶپ شابۋ جەنە كٶلٸك قوزعالىسىنىڭ قاۋٸپسٸز ەرٸ ٷزدٸكسٸز بولۋىن قامتاماسىز ەتۋگە باعىتتالعان باسقا دا جۇمىستار تۇراقتى تٷردە جٷرگٸزٸلەدٸ.
تاسجولدى جاڭارتۋ جۇمىستارى الداعى ۋاقىتتا دا جالعاسادى. برك-3 اياسىندا تيٸستٸ قارجى بٶلٸنگەن جاعدايدا تاعى 52 شاقىرىم جولدى ورتاشا جٶندەۋدەن ٶتكٸزۋ, سونداي-اق التى كٶپٸرگە كٷردەلٸ جٶندەۋ جٷرگٸزۋ جوسپارلانىپ وتىر.
بۇل تاسجولمەن كٷن سايىن اۋىر جٷك كٶلٸكتەرٸ, سونىڭ ٸشٸندە ٸرٸ كەن ورىندارىنان جٷك تاسىمالدايتىن كٶلٸكتەر قاتىنايدى. تۇراقتى ەرٸ جوعارى جٷكتەمە جول جامىلعىسىنىڭ بٸرتٸندەپ توزۋىنا ەسەر ەتەدٸ. وسىعان بايلانىستى 2027 جىلى ٸرٸ كٶلەمدٸ جەنە اۋىر سالماقتى كٶلٸكتەردٸ باقىلاۋعا ارنالعان اۆتوماتتاندىرىلعان ٶلشەۋ جٷيەلەرٸن ورناتۋ جوسپارلانعان. بۇل بەلگٸلەنگەن سالماق تالاپتارىنىڭ ساقتالۋىن باقىلاۋدى كٷشەيتٸپ, جول جامىلعىسىنا تٷسەتٸن ارتىق جٷكتەمەنٸ ازايتۋعا مٷمكٸندٸك بەرەدٸ.
