قازاقستاندا جاستار ساياساتىن قارجىلاندىرۋ كٶلەمٸ العاش رەت جٸٶ-نٸڭ 0,5 پايىزىنا جەتتٸ. بۇل تۋرالى بٷگٸن مەجٸلٸستەگٸ ٷكٸمەت ساعاتىندا قر اقپارات جەنە قوعامدىق دامۋ مينيسترٸ دەۋرەن اباەۆ ايتتى, دەپ حابارلايدى قازاقپارات.
ونىڭ اتاپ ٶتۋٸنشە, جاستارعا مەملەكەتتٸك قولداۋ شارالارىن شارتتى تٷردە ەكٸگە بٶلۋگە بولادى. ولار – دەستٷرلٸ باعىتتار بويىنشا ٸسكە اسىرىلاتىن جالپى شارالار جەنە جاستار جىلىنا ورايلاستىرىلعان جاڭا باستامالاردى قامتيتىن ارنايى شارالار.
«جالپى شارالارمەن 2 ميلليوننان استام وقيتىن جەنە جۇمىس ٸستەيتٸن جاستار قامتىلعان. وعان جوعارى بٸلٸم الۋ ٷشٸن گرانتتار, ستيپەندييالار, تەگٸن جاتاقحانالار كٸرەدٸ. ارنايى شارالارمەن 722 مىڭ ادام نەمەسە ەلدەگٸ ەربٸر بەسٸنشٸ جاس قامتىلعان. ٶتكەن جىلمەن سالىستىرعاندا جاستار ساياساتىن قارجىلاندىرۋ كٶلەمٸ 40 ەسەگە ٶستٸ. بۇل كٶرسەتكٸش العاش رەت ٸشكٸ جالپى ٶنٸمنٸڭ 0,5 پايىزىنا دەرلٸك جەتتٸ», - دەدٸ ول.
د.اباەۆتىڭ ايتۋىنشا, جاستار جىلى اياسىندا مەملەكەتتٸك قولداۋدىڭ بارلىق شارالارىن جٷيەلەندٸرۋ ٷشٸن ٷكٸمەت جول كارتاسىن قابىلدادى. قۇجاتتا 89 تارماق بار. ولاردىڭ ەرقايسىسى جاستار ٷشٸن ٶمٸرلٸك ماڭىزى بار تۇرعىن ٷيمەن قامتاماسىز ەتۋ, جۇمىسقا ورنالاستىرۋ, بٸلٸم بەرۋ, جاس وتباسىن قولداۋ جەنە ەلەۋمەتتٸك بەلسەندٸلٸكتٸ دامىتۋ سىندى مەسەلەلەردٸ قوزعايدى.
«بٷگٸنگٸ كٷنٸ 13 پۋنكت تولىعىمەن اياقتالدى. بۇلار ناقتى ٸس-شارالاردى ٶتكٸزۋدٸ كٶزدەيدٸ. مىسالى, «زەرەن» جاستار جازعى لاگەرٸ. ول جاستار كٶشباسشىلارىنا ارنالعان ترەنينگتەر, شەبەرلٸك ساباقتار مەن سەمينارلار ٶتكٸزۋگە باعىتتالعان. قالعان 76 پۋنكت ٸسكە اسىرىلۋدا. مىسالى, «جاس كەسٸپكەر» جوباسى 3 جىلعا ەسەپتەلگەن جەنە تەك 2021 جىلى اياقتالادى«, - دەدٸ مينيستر.
بۇل رەتتە ول بٸرنەشە جوبانىڭ ورىندالماۋ قاۋپٸ بار ەكەندٸگٸن دە جاسىرمادى.
«ونىڭ باستى سەبەپتەرٸ – ورتالىقتاعى جەنە جەرگٸلٸكتٸ جەرلەردەگٸ مەملەكەتتٸك ورگانداردىڭ كەلٸسٸلمەگەن ٸس-ەرەكەتتەرٸ, جەكەلەگەن مينيسترلٸكتەردٸ قايتا ۇيىمداستىرۋ نەمەسە جەتكٸزۋشٸلەردٸڭ جەكەلەگەن كونكۋرستارعا قاتىسۋعا قىزىعۋشىلىعىنىڭ بولماۋى. مىسالى, 16-تارماق بويىنشا ەڭبەك مينيسترلٸگٸنٸڭ جاس قازاقستاندىقتاردى كەسٸپتٸك باعدار بەرۋگە باعىتتالعان «ٶزٸڭدٸ تاپ» جوباسىن ٸسكە اسىرۋى كٶزدەلگەن. بٸرٸنشٸ كونكۋرس ٶتپەدٸ دەپ تانىلدى. كونكۋرستىق رەسٸمدەر قايتا ٶتكٸزٸلەدٸ. ەندٸ بٸر پۋنكت – «مەدەنيەت مينيسترلٸگٸنٸڭ قازاقستان جاس جازۋشىلارىنىڭ شىعارماشىلىعىن قولداۋ ٷشٸن ەدەبيەت اكادەميياسىن اشۋ». الايدا, قازٸرگٸ ۋاقىتتا بٸرىڭعاي ۇستانىم, كٶزقاراس, بٸرىڭعاي تەسٸلدەر ەزٸرلەنۋدە. جالپى, بٸز مۇنداي جوبالار بويىنشا وڭتايلى شەشٸمدەر ٸزدەۋدەمٸز«, - دەدٸ دەۋرەن اباەۆ.
