مەشٸتتەردە ساداقا سالۋعا ارنالعان ەلەكتروندى تەرمينالدىڭ ورناتىلۋى – قازاقستان مۇسىلماندارى دٸني باسقارماسىنىڭ اشىقتىقتى قولدايتىنىن دەلەلدەيدٸ.
«اشىق ديالوگ» باعدارلاماسىندا قر اقپارات جەنە قوعامدىق دامۋ مينيسترٸ دەۋرەن اباەۆ وسىلاي دەدٸ, دەپ حابارلايدى "ۇلت اقپارات".
«بۇل - ٶتە ماڭىزدى جۇمىس. بۇل باستامانىڭ ٶزٸن قازاقستان مۇسىلماندارى دٸني باسقارماسىنىڭ باستاپ وتىرعانى ەرەكشە قۋانتادى. بۇل دەگەنٸڭٸز – دٸني باسقارمامىزدىڭ اشىقتىقتى, ەسەپ بەرۋدٸ قولداپ وتىرعانىن دەلەلدەيدٸ. سول سەبەپتٸ, تەرمينالداردى ورناتىپ, حالىققا تٷسٸندٸرۋ جۇمىستارىن جٷرگٸزۋ – بٷكٸل ەل بويىنشا قولعا الىنادى», - دەدٸ دەۋرەن اباەۆ.
مينيستر بۇل باعىتتاعى كەلەسٸ قادام – موبيلدٸ قۇرىلعى, بانك كارتالارى ارقىلى قۇربان شالۋ باستاماسى بولاتىنىن اتاپ ٶتتٸ.
«ول نە بەرەدٸ? ول ەڭ الدىمەن ازاماتتارعا اۋدارعان قاراجاتتىڭ مۇقتاج ادامدارعا انىق تاراتىلاتىنىنا كٶزدەرٸن جەتكٸزٸپ, سەنٸم ۇيالاتادى. ول قاراجات مەشٸت جۇمىسىن قولداۋعا, جاستاردى مەدرەسەلەردە وقىتۋعا, كٶپتەگەن يگٸ ٸسكە جۇمسالادى. قۇربان شالۋ – سەنٸمگە كەلٸپ تٸرەلەدٸ. شالعان قۇربانى تيٸستٸ جەرٸنە باراتىنىنا كٷمەن كەلتٸرەتٸن ازاماتتار بار. قازٸر ونداي كٷدٸكشٸل ادامداردىڭ سانى ازايارى انىق», - دەدٸ ول.
ەسكە سالا كەتسەك, كٷنٸ كەشە ەلورداداعى «ەلجان انا» مەشٸتٸندە ساداقا سالۋعا ارنالعان ەلەكتروندى تەرمينال ٸسكە قوسىلعان بولاتىن.
