ومبىداعى XVI ٶڭٸرلٸك ىنتىماقتاستىق فورۋمىندا اقپارات جەنە قوعامدىق دامۋ مينيسترٸ دەۋرەن اباەۆ جاستارمەن جۇمىس قالاي جٷرگٸزٸلٸپ جاتقانىن ايتىپ بەردٸ, دەپ حابارلايدى قازاقپارات.
مينيستر قازاقستان ٶزٸندٸك جٷيەلٸ شارالاردى قولعا الىپ جاتقانىن تٸلگە تيەك ەتتٸ.
«بٸز ەكونوميكانى تسيفرلاندىرۋدى قولعا الدىق. بۇل پروتسەسكە جاستاردى كەڭٸنەن تارتىپ جاتىرمىز. قازاق حالقىنىڭ دەستٷرلٸ قۇندىلىقتارىن قازٸرگٸ زاماننىڭ كٶزقاراسىمەن ٷيلەستٸرۋ ٷشٸن «رۋحاني جاڭعىرۋ» باعدارلاماسى جٷزەگە اسىرىلۋدا. ٷشٸنشٸسٸ - قازاقستان پرەزيدەنتٸ حالىققا قۇلاق اساتىن مەملەكەتتٸڭ تۇجىرىمداماسىن جارييالادى. ونىڭ نەگٸزٸندە بيلٸك پەن ادامنىڭ ەدٸلەت, اشىقتىق جەنە سەنٸم قاعيداتتارى اياسىنداعى ٶزارا ٸس-قيمىلى جاتىر», - دەدٸ دەۋرەن اباەۆ.
مينيستر قازاقستاندا جٷزەگە اسىرىلىپ جاتقان «پرەزيدەنتتٸك كادر رەزەرۆٸ» جوباسى مەملەكەتتٸك جٷيەنٸڭ باسقارۋشىلىق قۇرامىن جاس, شىعارماشىل جەنە ٶر جاستاردىڭ ەسەبٸنەن جاڭارتۋعا باعىتتالعانىن اتاپ ٶتتٸ. ونىڭ ايتۋىنشا, 2020 جىل - قازاقستاندا ۆولونتەرلەر جىلى دەپ جارييالانعان.
«بٷگٸن ۇلى وتان سوعىسىنداعى جەڭٸستٸڭ 75 جىلدىعى قارساڭىندا قازاقستاندىق-رەسەيلٸك ۆولونتەرلٸك جوبالاردى جٷزەگە اسىرۋ تۋرالى كەلٸسٸمگە قول قويىلدى. بۇل - ۇرپاعىنىڭ بەيبٸت ٶمٸرٸ ٷشٸن جانىن بەرگەن جانداردىڭ ۇرپاعى - بٸزدەر ٷشٸن اسا ماڭىزدى باعىت. سونىمەن بٸرگە بٸز بٸرلەسكەن جوبالاردىڭ تاقىرىپتارىن كەڭەيتۋدٸ ۇسىنامىز», - دەدٸ د.اباەۆ.
ول ۆولونتەرلٸك جاستاردىڭ جۇمىسقا ورنالاسۋىنىڭ بٸر تٷرٸ ەكەنٸن, ونىڭ ٶزەكتٸلٸگٸ ارتا تٷسەتٸنٸن جەتكٸزدٸ.
«مەملەكەت جۇمىستان تىس ۋاقىتتا ازاماتتى سمارتفونمەن عانا وڭاشا قالدىرماۋى كەرەك. بۇل ٷنەمٸ نارازىلىقتى, ەڭگٸمەلەسۋشٸنٸ تىڭداي الماي, داۋ ٷشٸن پٸكٸرتالاسقا بەيٸم بولۋدى, باسقا ادامداردىڭ قۇزىرەتٸ مەن نەتيجەلەرٸن باعالاماۋدى ٶمٸر سالتىنا اينالدىرۋى مٷمكٸن. ٶكٸنٸشكە قاراي, پوپۋليستٸك ۇراندار مەن دەماگوگتار تٷرٸندەگٸ جەلٸلٸك مازمۇن دەل وسىعان نەگٸزدەلگەن. وسىعان بايلانىستى بٸز پرەزيدەنتتٸڭ اتىنان ازاماتتىق قوعامدى دامىتۋ سالاسىندا تەرەڭ رەفورمالار جٷرگٸزۋگە نيەتتٸمٸز جەنە رەسەيلٸك ەرٸپتەستەرٸمٸزبەن بٸرگە جۇمىس ٸستەۋگە دايىنبىز», - دەپ تٷيٸندەدٸ د. اباەۆ.
