- سوعىس جەنە ەڭبەك ارداگەرٸ, شىڭعىرلاۋ اۋدانىنىڭ قۇرمەتتٸ ازاماتى اندرەي رۋد گەرمانييا ەلٸنەن سوعىس تۇتقىنى رەتٸندە ٶتەماقى الدى, دەپ حابارلايدى قازاقپارات.
بقو مەملەكەتتٸك مۇراعاتىنىڭ ديرەكتورى ايجان ساۋعاباەۆانىڭ ايتۋىنشا, 2015 جىلى 21 مامىردا گەرمانييا بۋندەستاگى (فەدەرالدىق جينالىسى) بۇرىنعى كەڭەس ەسكەري تۇتقىندارىنا اقشالاي ٶتەماقى تٶلەۋ تۋرالى شەشٸم قابىلداعانى بەلگٸلٸ. ٶتەماقى كٶلەمٸ از ەمەس, 2500 ەۋرونى قۇرايدى. وسىعان وراي بقو مەملەكەتتٸك مۇراعاتى ٶڭٸردە تۇراتىن سوعىس تۇتقىندارىن ٸزدەستٸردٸ. مۇراعات قۇجاتتارى زەرتتەلٸپ, ەلەكتروندى بازا تەكسەرٸلدٸ. سونىڭ نەتيجەسٸندە سوعىس تۇتقىنى بولعان كٶزٸ تٸرٸ بٸر ادام تابىلدى. ول - شىڭعىرلاۋ اۋىلىندا تۇراتىن اندرەي يوسيفوۆيچ رۋد.
ا.ي.رۋد رەسەيدٸڭ كراسنودار ٶلكەسٸ ەيسك قالاسىندا 1921 جىلى 12 قاراشادا دٷنيەگە كەلگەن. ەسكەري قىزمەتكە 1940 جىلعى تامىزدا شاقىرىلعان ول ۇلى وتان سوعىسىنىڭ العاشقى كٷندەرٸنەن-اق ۇرىسقا كٸرٸسەدٸ. 1941 جىلدىڭ ماۋسىمىندا بٸر توپ قارۋلاستارىمەن بٸرگە تۇتقىنعا تٷسكەن كەڭەس جاۋىنگەرٸ ازاپتى از تارتپايدى. تەك بۇدان 1945 جىلعى مامىردا جەڭٸس ساعاتى سوققان كەزدە عانا قۇتىلىپ, ەسكەري قىزمەتٸن جالعاستىرىپ, 1946 جىلى ٷيٸنە ورالادى. 1948 جىلى ەيسك اۋىل شارۋاشىلىعىن مەحانيكالاندىرۋ تەحنيكۋمىن بٸتٸرگەن جاس مامان قازاقستانعا جولداما الىپ, «شىڭعىرلاۋ» كەڭشارىنا شەبەرحانا مەڭگەرۋشٸسٸ بولىپ ورنالاسادى. وسىلايشا ەڭبەك جولىن باستاعان ول باس مەحانيك, باس ينجەنەر, كەيٸن فۋرمانوۆ (جالپاقتال), شىڭعىرلاۋ اۋداندىق اۋىل شارۋاشىلىعى ٶندٸرٸستٸك باسقارمالارىندا جەنە «كازسەلحوزتەحنيكا» اۋداندىق بٸرلەستٸگٸندە باس ينجەنەر قىزمەتٸن اتقارادى. الپىس سەگٸز جىل بويى قازاق ەلٸندە تۇرىپ, اۋداننىڭ قۇرمەتتٸ ازاماتى اتانعان اندرەي رۋد تۋرا 95 جاسقا تولار كەزدە مۇنداي توسىن سىيعا كەزٸگەمٸن دەپ ويلاماعان شىعار, سٸرە.
وبلىستىق مۇراعات ناقتى دەرەكتەردٸ جيناستىرعاننان كەيٸن قۇجاتتاردى نەمٸس تاراپىنا جٸبەردٸ. سونىڭ نەتيجەسٸندە قاراشا ايىنىڭ باسىندا گەرمانييادان وڭدى جاۋاپ كەلٸپ, اتالعان كٶلەمدەگٸ اقشا مايدانگەردٸڭ ەسەپشوتىنا اۋدارىلدى.
جۋىردا, 12 قاراشا كٷنٸ اندرەي رۋد ٶزٸنٸڭ 95 جاسىن اتاپ ٶتتٸ. ونى اۋدان ەكٸمٸ البەرت ەسەليەۆ باستاعان مەيماندار قۇتتىقتاپ, العىسحات پەن تارتۋ-تارالعى تابىس ەتتٸ. ال ٶزٸ سيياقتى مايدانگەر, 93 جاستاعى شىڭعىرلاۋ اۋدانىنىڭ تاعى بٸر قۇرمەتتٸ ازاماتى سٷيەۋ ىعىلمانوۆ دوسىنىڭ 100 جاسقا جەتۋٸنە تٸلەكتەستٸگٸن بٸلدٸردٸ. ٶتەماقى دا سوعىس تۇتقىنىنىڭ قولىنا تيدٸ.
«مەن قازاق جەرٸندە باقىتتى ٶمٸر سٷرٸپ, ۇرپاق ٶسٸرٸپ, تامىر جايدىم. ەندٸ, مٸنە, تەۋەلسٸزدٸگٸمٸزدٸڭ 25 جىلدىعىن دا تويلاعالى وتىرمىن. بۇدان ارتىق قانداي باقىت كەرەك! قازاق حالقىمەن بٸتە قايناسىپ كەتكەنٸم سونداي, قازاق ەندەرٸن ٶتە جاقسى كٶرەمٸن. ەسٸرەسە, «قاماجايدى» ەستٸسەم, جانىم سەرگٸپ, كٶڭٸلٸم كٶتەرٸلٸپ قالادى. مەنٸڭ ۇزاق جاساۋىمنىڭ سىرى دا وسىنداي شالت-شادىمان ورتادا جٷرگەندٸگٸمنەن بولار», دەدٸ قازاقپارات تٸلشٸسٸنە اندرەي رۋد.
