قر مەملەكەتتٸك قىزمەت ٸستەرٸ اگەنتتٸگٸنٸڭ مەملەكەتتٸك قىزمەت دەپارتامەنتٸ ديرەكتورىنىڭ ورىنباسارى دۋمان ەبٸلوۆ وسى جىلدىڭ 9 ناۋرىزىندا قازاقستاندىقتاردىڭ جۇمىس ٸستەيتٸندٸگٸن نەمەسە دەمالاتىندىعىنا قاتىستى تٷسٸنٸك بەردٸ, دەپ حابارلايدى "ۇلت اقپارات".
«ٶزدەرٸڭٸز دە بٸلەسٸزدەر, مەرەكە كٷنٸ جەكسەنبٸگە تۇسپا-تۇس كەلسە, وندا دٷيسەنبٸ كٷنٸ مەملەكەتتٸك قىزمەتشٸلەر ٷشٸن جۇمىس كٷنٸ بولۋى تيٸستٸگٸ تۋرالى تاپسىرما كەشە عانا بولدى. مەرەكەلەر تۋرالى زاڭعا سەيكەس, ەگەر دەمالىس مەرەكە كٷنٸنە تۋرا كەلسە, وندا ول كەلەسٸ جۇمىس كٷنٸنە اۋىسادى. بٸراق, بۇل زاڭ تەك مەملەكەتتٸك قىزمەتشٸلەرگە عانا ەمەس, بەرٸنە بٸردەي», - دەدٸ ول باق ٶكٸلدەرٸنٸڭ ساۋالىنا وراي.
ونىڭ اتاپ ٶتۋٸنشە, قازٸرگٸ ۋاقىتتا قر پرەمەر-مينيسترٸنٸڭ كەڭسەسٸندە بۇل مەسەلەگە قاتىستى بٸرىڭعاي ەدٸس ەزٸرلەۋ ٷشٸن مٷددەلٸ مەملەكەتتٸك ورگانداردىڭ قاتىسۋىمەن جيىن ٶتٸپ جاتىر.
«ٶز تاراپىمنان مۇنىڭ قۇقىق قورعاۋ جەنە ارناۋلى ورگاندار ٷشٸن عانا ايتىلۋى مٷمكٸن ەكەندٸگٸن اتاپ ٶتە الامىن. بۇل مەملەكەتتٸك قىزمەتشٸلەردٸڭ جەكەلەگەن ساناتتارىنا قاتىستى بولۋى ىقتيمال», - دەدٸ دۋمان ەبٸلوۆ.
وسى ورايدا ول بيىلعى جىلدىڭ 9 ناۋرىزىندا قازاقستاندىقتار دەمالادى دەپ بولجايتىندىعىن باسا ايتتى.
«مەملەكەتتٸك قىزمەتشٸلەر جۇمىس ٸستەۋٸ ٷشٸن الدىمەن, مەرەكەلەر تۋرالى زاڭعا ٶزگەرتۋلەر ەنگٸزۋ قاجەت», - دەدٸ دەپارتامەنت ديرەكتورىنىڭ ورىنباسارى.
ايتا كەتەيٸك, مەملەكەت باسشىسى قاسىم-جومارت توقاەۆ مەرەكە كٷندەرٸنە قاتىستى قولدانىستاعى تەرتٸپتٸ قايتا قاراۋدى تاپسىرعان بولاتىن.
«ٷكٸمەتكە جەنە پرەزيدەنت ەكٸمشٸلٸگٸنە مەرەكە كٷندەرٸنە قاتىستى قولدانىستاعى تەرتٸپتٸ قايتا قاراۋدى تاپسىردىم. ەگەر مەيرام كٷنٸ جەكسەنبٸگە سەيكەس كەلسە, كەلەسٸ كٷن دەمالىس بولىپ سانالادى. كەلەسٸ كٷن (دٷيسەنبٸ) بارلىق مەملەكەتتٸك قىزمەتشٸلەر ٷشٸن جۇمىس كٷنٸ بولۋى تيٸس», - دەپ جازعان ەدٸ قازاقستان پرەزيدەنتٸ Twitter-دەگٸ پاراقشاسىندا.
