فوتو: inform.kz
الماتى وبلىسى قارعالى اۋىلىنداعى جاعدايدىڭ مەن-جايى بەلگٸلٸ بولدى. 8 جاستاعى قىز ونى ۇرلاپ ەكەتكەن ەر ادامنىڭ نە ٸستەگەنٸن ايتىپ بەردٸ, دەپ حابارلايدى "ۇلت اقپارات" Almaty.tv-گە سٸلتەمە جاساپ.
بەلگٸسٸز ازامات قارشاداي قىزدى الدىمەن قوناقٷيگە اپارعان. ول ازداي, قۇشاقتاپ, تاكسي ٸشٸندە ەرسٸ ەرەكەتكە بارعان. مۇنىڭ بارلىعىن قىز اناسىنا ايتىپ بەرٸپتٸ. ال بٷگٸن قوناقٷي ەكٸمشٸلٸگٸ «بٸز جٶندەۋگە جابىلدىق, جۇمىس ٸستەمەيمٸز» دەپ وتىر.
جەلٸگە جٷكتەلگەن بەينەجازبادان بۇرىن كٷدٸكتٸ جول بويىنداعى قوناقٷيگە توقتاپ, بٶلمە سۇراعان. دٷكەنگە بارىپ, الاڭداۋلى قىزدىڭ كٶڭٸلٸن دە اۋلاي باستاعان.
«نۇر-ەلي دەگەن قوناقٷيگە كٸردٸك. قوناقٷي قىزمەتكەرٸنە 2000 تەڭگە بەرٸپ ەدٸ, ول "بۇل اقشا تەك 1 ساعاتقا عانا جەتەدٸ" دەپ المادى. كەيٸن مەنٸ تاكسيدە قۇشاقتاپ, بەتٸمنەن سٷيدٸ. ماعان ونىڭ بۇل ەرەكەتٸ ۇنامادى. دٷكەنگە توقتاپ, تەتتٸ سۋسىن مەن كەمپيت تاياقشاسىن الىپ بەردٸ. جٷرگٸزۋشٸ اعايعا ايتۋعا قورىقتىم», – دەيدٸ قىز.
ۆيدەو: "الماتى" تەلەارناسى
جازعى لاگەرگە بارا جاتقان جەتكٸنشەكتٸ جول بويىندا تاكسي كٷتٸپ تۇرعان جەردەن الىپ كەتكەن. 36 جاستاعى كٷدٸكتٸ جەتكٸزٸپ تاستايمىن دەپ تاكسيگە وتىرعىزعان كٶرٸنەدٸ.
«قىزدىڭ جالتاڭداپ تۇرعانىن بايقادىم. اقىرىن قىزبەن سٶيلەسٸپ ٷيگە الىپ كٸردٸم. ەكەۋٸمٸز قىزعا تالاسىپ قالدىق. ارتىمنان قالماي جٷرٸپ الدى», – دەدٸ كۋەگەر كٷلەش تەڭەلباەۆا.
پەرزەنتٸم قۇربان بولا جازدادى دەگەن اناسى قازٸر دەل-سال كٷيدە. "مۇنداي جاعدايدى باستان كەشەمٸن دەپ ويلامادىم" دەپ جىلاپ وتىر. ٷنەمٸ قىزىن ەكەسٸ جەتەكتەپ جولعا شىعارىپ سالادى ەكەن, ال كەيٸن تاكسي ەكەتەدٸ.
«تاڭەرتەڭ ساعات 9.00-گە تامان شىعىپ كەتكەن. سودان جٷرەگٸم سەزدٸ مە, بٸلمەيمٸن, حابارلاسا باستادىم. ەلٸ كەلمەدٸ دەدٸ. بالالارمەن ويناپ قالعان شىعار دەپ ويلادىم. مۇنداي جاعدايدى ەشكٸمنٸڭ باسىنا تٸلەمەيمٸن. وسىنداي ەرەكەتكە بارعان ادام ەڭ اۋىر جازاسىن السىن», – دەيدٸ قىزدىڭ اناسى ريمما حالمۇراتوۆا.
«اتالعان دەرەك قر قىلمىستىق كودەكسٸنٸڭ 125-بابى بويىنشا جامبىل اۋدانى پوليتسييا بٶلٸمٸنە تٸركەلدٸ. جەدەل ٸزدەستٸرۋ بارىسىندا 1987 جىلعى كٷدٸكتٸ انىقتالىپ, ۇستالدى. زاڭناماعا بەلگٸلەنگەن تەرتٸپپەن ۇستالعان ادام قاماۋعا الىندى», – دەدٸ پد باسپاسٶز حاتشىسى ەرنار سايدٸلدين.
كٷدٸكتٸ قازٸر ادام ۇرلاۋ فاكتٸسٸ بويىنشا تەرگەلٸپ جاتىر. الايدا جەبٸرلەنۋشٸنٸڭ اناسى قىزىن زورلاۋعا وقتالعان دەپ قورقادى. سوندىقتان تەرگەۋدٸڭ ماي-شاممەن قارالعانىن قالايدى.
