سۋرەت: pixabay
باس پروكۋراتۋرا 8 ناۋرىز قارساڭىندا الاياقتاردىڭ بەلسەندٸلٸگٸ ارتاتىنىن ەسكەرتتٸ, دەپ حابارلايدى Ult.kz.
حالىقارالىق ەيەلدەر كٷنٸ قارساڭىندا الاياقتار ازاماتتاردىڭ مەرەكەلٸك قاربالاسىن پايدالانىپ, ولاردىڭ اقشاسى مەن جەكە دەرەكتەرٸنە قول جەتكٸزۋگە تىرىسادى. بۇل كەزەڭدە گٷلدەر مەن سىيلىقتارعا تاپسىرىستار كٶبەيٸپ, ونلاين-تٶلەمدەر سانى ارتادى. وسىنداي جاعدايدى پايدالانعان الاياقتار تٷرلٸ ايلاعا بارىپ, ادامداردى الداپ سوعۋى مٷمكٸن.
مەرەكە الدىندا ولار ازاماتتارعا قوڭىراۋ شالىپ نەمەسە حابارلاما جٸبەرٸپ, ەرتٷرلٸ سىلتاۋمەن بٸر رەتتٸك SMS-كودتى ايتۋدى سۇرايدى.
ەڭ كٶپ تارالعان تەسٸلدەر مىنالار:
گٷل نەمەسە سىيلىق جەتكٸزۋ رەسٸمدەلگەنٸن ايتىپ, «تاپسىرىستى راستاۋ ٷشٸن» SMS-كود سۇراۋ;
جالعان ۇتىس, بونۋس نەمەسە اكتسييا تۋرالى حابارلاپ, تەلەفونعا كەلگەن راستاۋ كودىن تالاپ ەتۋ;
ٶزدەرٸن بانك قىزمەتكەرٸ, قاۋٸپسٸزدٸك قىزمەتٸنٸڭ ٶكٸلٸ نەمەسە كۋرەرلٸك كومپانييا قىزمەتكەرٸ رەتٸندە تانىستىرۋ.
باس پروكۋراتۋرانىڭ مەلٸمەتٸنشە, بٸر رەتتٸك SMS-كود – قارجىلىق وپەراتسييالاردى راستاۋعا ارنالعان قۇپييا قۇرال. ونى ٷشٸنشٸ تۇلعالارعا بەرۋ بانك شوتىنان اقشا شەشٸلۋٸنە, سٸزدٸڭ اتىڭىزعا نەسيە رەسٸمدەلۋٸنە نەمەسە بانك قوسىمشاڭىزعا بٶگدە ادامداردىڭ قول جەتكٸزۋٸنە ەكەلۋٸ مٷمكٸن.
سونداي-اق بانكتەردٸڭ قىزمەتكەرلەرٸ دە, قۇقىق قورعاۋ ورگاندارى دا تەلەفون ارقىلى SMS-كود, قۇپيياسٶز نەمەسە بانك كارتاسىنىڭ دەرەكتەرٸن سۇراتپايتىنى ەسكەرتٸلدٸ.
كەي جاعدايدا جەتكٸزۋ قىزمەتتەرٸ نەمەسە بانك ٶنٸمدەرٸن رەسٸمدەۋ كەزٸندە راستاۋ كودى شىنىمەن قولدانىلۋى مٷمكٸن. الايدا مۇنداي كود تەك ٶزٸڭٸز الدىن الا بەرگەن تاپسىرىستى راستاۋ ٷشٸن پايدالانىلادى. ەگەر جەتكٸزۋ تۋرالى كٷتپەگەن قوڭىراۋ كەلٸپ, سٸزدەن كود سۇرالسا, ەڭگٸمەنٸ بٸردەن توقتاتقان جٶن.
بۇدان بٶلەك, مەرەكە قارساڭىندا الاياقتار ەلەۋمەتتٸك جەلٸلەردە, سونىڭ ٸشٸندە Instagram مەن TikTok پلاتفورمالارىندا جالعان پاراقشالار اشىپ, گٷلدەر مەن سىيلىقتاردى ٶتە ارزان باعادا نەمەسە ٷلكەن جەڭٸلدٸكپەن ۇسىنىپ, الدىن الا تٶلەم تالاپ ەتەدٸ. اقشا اۋدارىلعاننان كەيٸن مۇنداي پاراقشالار جابىلىپ, ساتۋشىلارمەن بايلانىس ٷزٸلەدٸ.
وسىعان بايلانىستى پروكۋراتۋرا ازاماتتارعا:
گٷلدەر مەن سىيلىقتاردى تەك سەنٸمدٸ ساتۋشىلاردان تاپسىرىس بەرۋدٸ;
تٶلەم جاسار الدىندا الۋشىنىڭ دەرەكتەرٸن مۇقييات تەكسەرۋدٸ;
كٷمەندٸ سٸلتەمەلەرگە ٶتپەۋدٸ;
ەشبٸر جاعدايدا بٶگدە ادامدارعا SMS-كود پەن بانك دەرەكتەرٸن بەرمەۋدٸ ۇسىنادى.
ەگەر كٷمەندٸ جاعداي تۋىنداسا, بانككە رەسمي نٶمٸر ارقىلى ٶزٸڭٸز حابارلاسىپ, قاجەت بولعان جاعدايدا قۇقىق قورعاۋ ورگاندارىنا جٷگٸنگەن جٶن.
