ٷكٸمەتتٸڭ بٷگٸنگٸ وتىرىسىندا ۇلتتىق بانكتٸڭ تٶراعاسى دانييار اقىشەۆ "7-20-25" باعدارلاماسىنىڭ جوباسىن تانىستىردى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
باس بانكيردٸڭ ايتۋىنشا, 7 پايىزدىق يپوتەكامەن اينالىساتىن ارنايى كومپانييانىڭ كاپيتالى ۇلتتىق بانكتٸڭ ەسەبٸنەن قالىپتاسادى. كومپانييا ول اقشاعا ەكٸنشٸ دەڭگەيلٸ بانكتەر بەرگەن جاڭا يپوتەكالىق نەسيەلەردٸ ساتىپ الادى.
"جاڭا باعدارلاما ەركٸمگە جەڭٸلدٸك شارتتارىن بەرەدٸ. الايدا باعدارلاما ماسىلدىققا جول بەرمەۋگە تيٸس. باعدارلاما قارىز الۋشىنىڭ تٶلەمگە قابٸلەتتٸ بولۋىن تالاپ ەتەدٸ. وعان رەسمي كٸرٸسٸ بار قازاقستان ازاماتتارى قاتىسا الادى. قازٸر بانكتەرمەن جاڭا باعدارلامانىڭ شارتتارى پىسىقتالۋدا. مىسالى, ٷيدٸڭ باعاسى 7 ميلليون تەڭگە بولسا, اي سايىنعى تٶلەم 50 مىڭ تەڭگەدەن اسپايدى. بۇل جالپى العاندا جۇمىس ٸستەيتٸن قازاقستان ازاماتتارىنىڭ كٶپشٸلٸگٸ ٷشٸن قولايلى", - دەدٸ د.اقىشەۆ.
ونىڭ سٶزٸنە قاراعاندا, بٷگٸندە رەسپۋبليكا بويىنشا تۇرعىن ٷيدٸڭ باعاسى ەر الۋان. سوندىقتان ٸرٸ قالالار مەن ايماقتار بويىنشا باسپانا باعاسىنا ديففەرەنتسياتسييا جاسالۋى مٷمكٸن.
"باعدارلامانىڭ قازٸرگٸ ٶلشەمدەرٸ ەزٸرشە جوبا ەكەنٸن ەسكەرۋ كەرەك. بۇنىڭ بارلىعى ەلٸ مەملەكەتتٸك ورگاندار مەن بانكتەرمەن تالقىلانادى. سونداي-اق, جەرگٸلٸكتٸ اتقارۋشى ورگاندارىنىڭ پٸكٸرٸن ەستۋٸمٸز كەرەك", - دەپ اتاپ كٶرسەتتٸ د.اقىشەۆ.
