قازاقستاننىڭ ورنىقتىلىق قورى اتىنان جالعان كەپٸلدٸك حاتتارىن قولدانعان الاياقتىق جاعدايلار انىقتالدى, دەپ حابارلايدى قازاقپارات.
«قازاقستاننىڭ ورنىقتىلىق قورى» اكتسيونەرلٸك قوعامى باسشىلىقتىڭ قولى قويىلعان جەنە قوردىڭ مٶرٸمەن راستالعان جالعان قۇجاتتاردى ٷشٸنشٸ تۇلعالاردىڭ تاراتۋ جاعدايلارى انىقتالعانى تۋرالى ەسكەرتەدٸ.
اتاپ ايتقاندا, الاياقتار ازاماتتارعا قور اتىنان مەنشٸككە بەرۋ كەپٸلدٸگٸ تۋرالى جەنە جىلجىمايتىن مٷلٸككە مەنشٸك قۇقىعىن تٸركەۋ تۋرالى جالعان كەپٸلدٸك حاتتار بەرۋمەن اينالىسقان.
وسىعان بايلانىستى, قور قانداي دا بٸر كەپٸلدٸك حاتتاردى بەرۋدٸ جٷزەگە اسىرمايتىندارىن مەلٸم ەتتٸ.
«قور «7-20-25» جەنە «باسپانا حيت» يپوتەكالىق تۇرعىن ٷي باعدارلامالارىنىڭ وپەراتورى بولىپ تابىلادى جەنە وسى باعدارلامالار اياسىندا تەك بانكتەرمەن ٶزارا قارىم-قاتىناس جاسايدى. قور جەكە تۇلعالارمەن جۇمىس ٸستەمەيدٸ, قۇرىلىس سالاسىنا ارالاسپايدى جەنە ٶز بالانسىندا جىلجىمايتىن مٷلٸك ۇستامايدى»,- دەپ اتاپ ٶتتٸ «قازاقستاننىڭ ورنىقتىلىق قورى» اق.
قورداعىلار ازاماتتاردى قىراعى بولۋعا شاقىردى.
«ەگەر بەلگٸسٸز جاندار سٸزگە قور اتىنان قانداي دا بٸر حاتتار, انىقتامالار بەرگەنٸنە كۋە بولساڭىز, دەرەۋ قۇقىق قورعاۋ ورگاندارىنا حابارلاسۋىڭىزدى سۇرايمىز»,- دەلٸنگەن حابارلامادا.
سۇراقتار مەن كٷدٸك تۋىنداعان جاعدايدا +7 (727) 227-20-25 نٶمٸرٸ بويىنشا قوردىڭ call-ورتالىعىنا حابارلاسۋىڭىزدى سۇرايمىز (وپەراتورمەن قوسىلۋ ٷشٸن 0-دٸ تەرٸڭٸز).
