فوتو: اشىق دەرەككٶز
قازاقستاننىڭ ورنىقتىلىق قورى «7-20-25» يپوتەكالىق باعدارلاماسىنا قاتىستى الاياقتىق ەرەكەتتەردٸڭ كٶبەيگەنٸن ەسكەرتتٸ, دەپ حابارلايدى Ult.kz.
قور مەلٸمەتٸنشە, ٶزٸن يپوتەكالىق بروكەر, كەڭەسشٸ نەمەسە دەلدال رەتٸندە تانىستىراتىن كٷمەندٸ تۇلعالار ازاماتتارعا اقىلى «كٶمەك» ۇسىنىپ جٷر. ولار كەزەكتٸ «جەدەلدەتۋ», ٶتٸنٸمدٸ «ماقۇلداتۋعا كەپٸلدٸك بەرۋ» نەمەسە بانك ليميتٸن «الىپ بەرۋ» سيياقتى جالعان قىزمەتتەردٸ العا تارتادى.
الايدا ماماندار مۇنداي ۇسىنىستاردىڭ بارلىعى شىندىققا جاناسپايتىنىن ايتادى. قازٸرگٸ تاڭدا باعدارلاماعا قاتىسۋشى بانكتەر ٶتٸنٸمدەردٸ تولىقتاي ونلاين قابىلدايدى. جٷيە اۆتوماتتاندىرىلعان, ال كەزەك ەلەكتروندى تٷردە قالىپتاسادى. سوندىقتان ٷشٸنشٸ تۇلعالاردىڭ بۇل پروتسەسكە ارالاسۋى تەحنيكالىق تۇرعىدان مٷمكٸن ەمەس.
قور ازاماتتاردى دەلدالدارعا اقشا تٶلەمەي, ٶتٸنٸمدٸ ٶز بەتٸنشە بەرۋگە شاقىرادى. بۇل تەگٸن ەرٸ بارشاعا تەڭ قولجەتٸمدٸ.
سونداي-اق قۇرىلىس كومپانييالارىنىڭ ساتۋ بٶلٸمدەرٸندە دە ساق بولۋ قاجەت. ەگەر مەنەدجەرلەر قوسىمشا اقى سۇراپ, پەتەر تاڭداۋعا نەمەسە يپوتەكا رەسٸمدەۋگە «كٶمەك» ۇسىنسا, بۇل زاڭسىز ەرەكەت بولۋى مٷمكٸن. مۇنداي جاعدايدا كومپانييا باسشىلىعىنا شاعىمدانۋ ۇسىنىلادى.
بۇدان بٶلەك, قور اتىنان مەسسەندجەرلەردە, سونىڭ ٸشٸندە WhatsApp ارقىلى كەلەتٸن حابارلامالارعا سەنبەۋ كەرەك. بەلگٸسٸز سٸلتەمەلەرگە ٶتپەي, ولاردى بٸردەن ٶشٸرٸپ, جٸبەرۋشٸنٸ بۇعاتتاۋ قاجەت. سەبەبٸ الاياقتار زيياندى فايلدار ارقىلى جەكە دەرەكتەردٸ ۇرلاۋى مٷمكٸن.
قازاقستاننىڭ ورنىقتىلىق قورى ٶز قىزمەتكەرلەرٸ ازاماتتارمەن مەسسەندجەرلەر ارقىلى بايلانىس جاسامايتىنىن اتاپ ٶتتٸ.
ەگەر الاياقتىق فاكتٸلەرٸنە تاپ بولساڭىز, دەرەۋ قۇقىق قورعاۋ ورگاندارىنا جٷگٸنۋ قاجەت.
