6 تامىزدا قازاقستان اۋماعىنىڭ باسىم بٶلٸگٸندە جاۋىن-شاشىنسىز, ىستىق اۋا رايى ساقتالادى. ەلدٸڭ وڭتٷستٸگٸ, وڭتٷستٸك-باتىسى جەنە ورتالىق ٶڭٸرلەرٸندە اۋا تەمپەراتۋراسى +35…+40 گرادۋسقا دەيٸن كٶتەرٸلەدٸ, دەپ حابارلايدى ult.kz.
سولتٷستٸك, شىعىس جەنە ورتالىق ايماقتاردىڭ كەي جەرلەرٸندە اتموسفەرالىق فرونتتاردىڭ ەسەرٸنەن كٷن كٷركٸرەپ, جاڭبىر جاۋادى. كەي ٶڭٸرلەردە نايزاعاي ويناپ, بۇرشاق جاۋۋى جەنە ەكپٸندٸ جەل تۇرۋى مٷمكٸن.
باتىس قازاقستاندا كٷن اشىق بولعانىمەن, اۋا تەمپەراتۋراسى +30…+36 گرادۋس ارالىعىندا بولادى. ال وڭتٷستٸك ٶڭٸرلەردە اپتاپ ىستىقتىڭ ەسەرٸ كٷشەيٸپ, +38…+40 گرادۋسقا دەيٸن جەتەدٸ.
ەلٸمٸزدٸڭ كٶپتەگەن ٶڭٸرٸندە جەلدٸڭ كٷشەيۋٸ, شاڭدى داۋىل, سونداي-اق جوعارى جەنە تٶتەنشە ٶرت قاۋپٸ ساقتالادى. ەسٸرەسە قىزىلوردا, تٷركٸستان, جامبىل, الماتى, جەتٸسۋ, اباي, ۇلىتاۋ, قاراعاندى جەنە ماڭعىستاۋ وبلىستارىنىڭ بٸرقاتار اۋماعىندا ٶرت قاۋپٸ ٶتە جوعارى دەڭگەيدە بولادى.
سينوپتيكتەر تۇرعىندارعا كٷننٸڭ ەڭ ىستىق ۋاقىتىندا دالادا ۇزاق جٷرمەۋگە, مول سۇيىقتىق ٸشۋگە, بالالار مەن قارتتاردى تٸكەلەي كٷن سەۋلەسٸنەن قورعاۋعا, سونداي-اق تابيعات اياسىندا ٶرت قاۋٸپسٸزدٸگٸ ەرەجەلەرٸن قاتاڭ ساقتاۋعا كەڭەس بەرەدٸ.
