كٶلٸكتەگٸ باس مەملەكەتتٸك سانيتار دەرٸگەر سەدۋاقاس بايعابىلوۆ قازاقستاننىڭ حالىقارالىق ەۋە رەيستەرٸ بويىنشا جٷرگٸزٸلگەن تەكسەرۋگە قاتىستى سوڭعى ستاتيستيكالىق مەلٸمەتتەردٸ بٶلٸستٸ, دەپ حابارلايدى "ۇلت اقپارات".
«6 قازاننان باستاپ رۇقسات بەرۋ شارالارى كٷشٸنە ەنگەلٸ بەرٸ قازاقستانعا حالىقارالىق ەۋە رەيستەرٸمەن 44 834 جولاۋشى ۇشىپ كەلدٸ. ونىڭ باسىم بٶلٸگٸ, ياعني 84 پايىزى - شەتەلدٸكتەر. پتر-تەست انىقتاماسىز 7 540 جولاۋشى كەلدٸ. ونىڭ بەرٸ دە پتر-تەست تاپسىرۋ ٷشٸن 2 كٷنگە كارانتين ستاتسيونارىنا جاتقىزىلدى. وسى 7540 ادامنىڭ ٸشٸندە 39-ىنان كوروناۆيرۋس انىقتالدى», - دەدٸ سەدۋاقاس بايعابىلوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا ەكٸ كٷندٸك كارانتينگە جولاۋشىلار نۇر-سۇلتان, الماتى, شىمكەنت, ورال, اقتٶبە, اتىراۋ, اقتاۋ, قاراعاندى قالالارىندا جاتقىزىلىپ جاتىر.
ەسكە سالا كەتسەك, بٷگٸن قر ٷكٸمەتٸنٸڭ باسپاسٶز قىزمەتٸ ۆەدومستۆوارالىق كوميسسييانىڭ ەۋە كومپانييالارىنا پتر تەستٸ نەتيجەسٸ تۋرالى انىقتاماسى جوق جولاۋشىلاردى ۇشاققا وتىرعىزۋعا تىيىم سالۋ تۋرالى شەشٸمٸن تٷسٸندٸرگەن بولاتىن.
بۇل تالاپ تەك شەتەلدٸك ازاماتتارعا قاتىستى. شەتەلدە جٷرگەن قر ازاماتتارىنىڭ ەۋە رەيستەرٸمەن پتر-تەستٸلەۋدەن ٶتكەنٸ تۋرالى انىقتاماسىنسىز وتانىنا ورالۋعا قۇقىعى بار.
مۇنداي جاعدايدا قازاقستانعا كەلگەننەن كەيٸن قازاقستاندىقتار پتر-تەستٸلەۋ نەتيجەسٸن العانعا دەيٸن كارانتينگە ورنالاستىرىلاتىن بولادى.
قر ٶڭٸرلەرٸ اراسىنداعى ٸشكٸ ەۋە رەيستەرٸنٸڭ ۇشاعىنا وتىرعىزۋ كەزٸندە پتر-تەست نەتيجەسٸ تۋرالى انىقتاما تالاپ ەتٸلمەيدٸ.
