فوتو: قر وام
پەداگوگتەر ٷشٸن ەڭ ماڭىزدى ەلەۋمەتتٸك كەپٸلدٸكتەردٸڭ بٸرٸ - جىل سايىنعى اقىلى ەڭبەك دەمالىسىنا شىعۋ ۋاقىتىنىڭ ۇزاقتىعىن بەلگٸلەۋ. ونىڭ ۇزاقتىعى بارلىق پەداگوگ ٷشٸن 56 كٷنتٸزبەلٸك كٷندٸ قۇرايدى, دەپ حابارلايدى قر وقۋ-اعارتۋ مينيسترلٸگٸنٸڭ باسپاسٶز قىزمەتٸ.
پەداگوگتەرگە جىل سايىنعى اقىلى ەڭبەك دەمالىسىنىڭ 2 تٷرٸ بەرٸلەدٸ: نەگٸزگٸ جەنە قوسىمشا.
قوسىمشا دەمالىس ەكولوگييالىق قولايسىز جەنە رادياتسييالىق قاۋپٸ بار اۋماقتاردا تۇراتىن پەداگوگتەر ٷشٸن قاراستىرىلعان. ونىڭ ٸشٸندە ەكولوگييالىق قولايسىز اۋماقتاردا تۇراتىن پەداگوگتەر ٷشٸن قوسىمشا دەمالىستىڭ ۇزاقتىعى 7 كٷننەن 12 كٷنگە دەيٸنگٸ, ال رادياتسييالىق قاۋiپتi اۋماقتاردا تۇراتىن پەداگوگتەر ٷشٸن 5 كٷننەن 14 كٷنگە دەيٸنگٸ مەرزٸمدٸ قۇرايدى. دەمالىس ۋاقىتىنا تٷسكەن مەرەكە كٷندەرٸ ەڭبەك دەمالىسىنا كٸرمەيدٸ. ەڭبەك دەمالىسىن بەرۋ كەزٸندە ناقتى جۇمىس ٸستەگەن ۋاقىت قانا ەسەپكە الىنادى.
«ەڭبەك دەمالىسىن بەرۋ كەزٸندە ساۋىقتىرۋعا ارنالعان جەردەماقى لاۋازىمدىق جالاقى مٶلشەرٸندە تٶلەنەدٸ. ساۋىقتىرۋ جەردەماقىسىنىڭ مٶلشەرٸن ەسەپتەۋ پەداگوگتٸڭ دەمالىس بەرٸلگەن كٷنگٸ ناقتى جٷكتەمەسٸن ەسكەرە وتىرىپ, لاۋازىمدىق اقى مٶلشەرٸندە جٷرگٸزٸلەدٸ, مۇندا قوسىمشا اقىلار مەن ٷستەمەاقىلار ەسەپتەلمەيدٸ. سونداي-اق, قىزمەتكەردٸڭ تولىق ەمەس جۇمىس ۋاقىتى رەجيمٸندە جۇمىس ٸستەۋٸ جىل سايىنعى اقىلى ەڭبەك دەمالىسىنىڭ ۇزاقتىعىن قىسقارتۋعا نەگٸز بولمايدى — دەمالىس تولىق كٶلەمدە بەرٸلەدٸ», - دەيدٸ بيۋدجەتتٸك جوسپارلاۋ دەپارتامەنتٸ ەڭبەكاقى تٶلەۋ ەدٸسناماسى باسقارماسىنىڭ باسشىسى گٷلايىم توقپانوۆا.
پەداگوگ قوسىمشا جۇمىستى نەمەسە ۋاقىتشا بولماعان قىزمەتكەردٸڭ مٸندەتتەرٸن ٶزٸنٸڭ نەگٸزگٸ جۇمىسىنان بوساتىلماي ورىنداعان جاعدايدا بۇل لاۋازىمداردى قاتار اتقارۋ بولىپ تابىلادى. بۇل جاعدايدا ساۋىقتىرۋعا ارنالعان جەردەماقى پەداگوگكە نەگٸزگٸ لاۋازىمى بويىنشا عانا تٶلەنەدٸ. ەگەر پەداگوگ قوسىمشا جۇمىستى لاۋازىمداردى قوسا اتقارۋ تۋرالى جەكە ەڭبەك شارتى بويىنشا نەگٸزگٸ جۇمىستان بوس ۋاقىتىندا اتقارسا, ساۋىقتىرۋعا ارنالعان جەردەماقى نەگٸزگٸ جۇمىس ٷشٸن دە, قوسىمشا جۇمىس ٷشٸن دە بٶلەك تٶلەنۋٸ تيٸس.
قر وقۋ-اعارتۋ مينيسترلٸگٸ پەداگوگتەردٸڭ ەڭبەك قۇقىقتارىن قاتاڭ ساقتاۋ, جىل سايىنعى ەڭبەك دەمالىسىن ۋاقىتىلى بەرۋ جەنە تيٸستٸ جەردەماقىلاردى تٶلەۋ بويىنشا مٸندەتتەمەلەردٸڭ ۋاقىتىلى ورىندالۋى قاجەتتٸگٸن نازارعا سالادى. بۇل تالاپتاردىڭ ورىندالۋىنا ەربٸر بٸلٸم بەرۋ ۇيىمى دەربەس جاۋاپتى ەكەنٸن ەسكەرتەدٸ.
