فوتو: stockphoto.com
بٷگٸن حالىقارالىق ۆولونتەرلەر كٷنٸ. ايتۋلى داتا كٷنتٸزبەدە 1985 جىلى بۇۇ-نىڭ باستاماسىمەن پايدا بولعان. كٷللٸ ەلەمگە ٸزگٸلٸك نۇرىن شاشقان وسى بٸر ەرٸكتٸلەر قوزعالىسى بٸزدٸڭ ەلدە دە بەلسەندٸ دامىپ كەلەدٸ, دەپ حابارلايدى Ult.kz 24kz-كە سٸلتەمە جاساپ.
قازٸرگٸ تاڭدا ٶڭٸر-ٶڭٸردە 240 مىڭنان استام ۆولونتەر قايىرىمدىلىق قىزمەتٸن اتقارىپ جٷر. دەسە دە ۆولونتەرلٸك ۇعىمىن جۇرتتان جىلۋ جيناپ, ٶزگەنٸڭ جاعدايىنا الاڭداۋ دەپ تٷسٸنبەۋ كەرەك. تٸپتٸ مەملەكەتتٸك ماڭىزى بار ٸستەرگە ەرٸكتٸ رەتٸندە پايداڭدى تيگٸزۋگە بولادى.
دارحان قۇلجامبەكوۆتىڭ نەگٸزٸ ماماندىعى – زاڭگەر. الايدا بىلتىر ۆولونتەرلٸك قىزمەتكە الىنىپ, ەلدەگٸ جەمقورلىقپەن كٷرەسٸپ جٷر. مەملەكەتتٸك ساتىپ الۋدىڭ ەدٸل ٶتۋٸنەن باستاپ, مەكتەپ, بالاباقشا سىندى ەلەۋمەتتٸك نىسانداردىڭ قۇرىلىسىن قاداعالايدى. نەتيجەسٸندە جىل باسىنان بەرٸ دارحان سەكٸلدٸ ۆولونتەرلەر 14 ملرد تەڭگە مەملەكەت قارجىسىن ىسىراپ بولۋدان ساقتاپ قالدى.
دارحان قۇلجامبەكوۆ, ۆولونتەر: - ياعني بۇل جەردە مەملەكەتتٸك ورگاندار تاۋاپر ساتىپ الۋدا كٶپ جاعدايدا نەگٸزسٸز باعانى كٶتەرۋ دەرەكتەرٸ بار. بىلاي قاراعاندا مەملەكەت تاراپىنان قانشاما قىرۋار قارجى بٶلٸنٸپ جاتقاننان كەيٸن ازامات رەتٸندە, ەلٸمنٸڭ جاناشىرى رەتٸندە مەن ەرٸكتٸ تٷردە وسى جوباعا كٸرٸستٸم.
بەرٸك ازاماتتىق ۇستانىم مەن ەلگە دەگەن جاناشىرلىعىن ۆولونتەرلٸك ٸسپەن كٶرسەتكٸسٸ كەلگەن ازاماتتار ارامىزدا از ەمەس. ولار جەمقورلىق سەكٸلدٸ قوعامدى جەگٸ قۇرتتاي جەگەن دەرتپەن بٸرلەسە كٷرەسۋگە بٸلەك سىبانا كٸرٸسكەن. بٸر عانا ەلوردانىڭ ٶزٸندە دەل وسىنداي 60-تان استام ەلگەزەك ازامات تۇرادى. ولار ەل ٷشٸن ماڭىزدى ەلەۋمەتتٸك جوبالارعا قوعامدىق باقىلاۋ جاساپ, 750-دەن اسا ولقىلىقتى انىقتاعان. قۇزىرلى ورگان بەلسەندٸ ازاماتتاردىڭ ارقاسىندا 500-دەن اسا زاڭ بۇزۋشىلىقتى دەر كەزٸندە جويدىق دەپ وتىر.
جازيرا جىلقىشيەۆا, قر سىبايلاس جەمقورلىققا قارسى ٸس-قميىل اگەنتتٸگٸ پرەۆەنتسييا قىزمەتٸنٸڭ اسا ماڭىزدى ٸستەر جٶنٸندەگٸ وفيتسەرٸ: - 2 مىڭ 400-دەن استام ۆولونتەر بار, بارلىعىنىڭ بازاسى بار. بىلتىر تامىز ايىنان باستاپ جىلدىڭ اياعىنا دەيٸن 4-5 ايدا ٷيرەتتٸك, پورتالدى قالاي مونيتورينگ جاساۋ كەرەكتٸگٸن. ٶيتكەنٸ بارلىعى مامان ەمەس, كٶپ جاعدايدا ەستٸگەن بٸلگەنٸن ايتادى, ال ناقتى ولار مونيتورينگ جاساۋ ٷشٸن ولاردى ٷيرەتۋ كەرەك بولدى. بٸر جاعىنان ۆولونتەرلەردٸڭ ٶزٸنە دە پايداسى تيەدٸ. بٸرٸنشٸدەن ٶزدەرٸنٸڭ قۇقىقتىق ساۋاتىن ارتتىرىپ جاتىر. جاس ماماندار بولسا, كەلەشەگٸنە جاقسى ىقپالىن تيگٸزەدٸ دەپ ويلايمىز.
جەڭ ۇشىنان جالعاسقان كەسەلگە جۇمىلا كٷش بٸرٸكتٸرٸپ قانا قارسى تۇرۋعا بولادى. سوندىقتان بۇل ٸسكە ٶز ەركٸمەن سۇرانىپ جەردەم جاسايتىن ۆولونتەرلەردٸڭ ەڭبەگٸ ەرەك. كەمەلەت جاسىنان اسقان, بۇرىن سوتتالماعان كەز كەلگەن ەل تۇرعىنى اگەنتتٸك ماماندارىنا قولعابىس تانىتا الادى. بۇعان زاڭ جٷزٸندە رۇقسات بار.
