قازاقستاندىق ەنشٸ Adam-نىڭ «جٷرەك» اتتى ەنٸ بٷكٸل ەلەمگە تانىلدى. كەيٸنگٸ مەلٸمەت بويىنشا ەنشٸنٸڭ حيتٸ ەلەۋمەتتٸك جەلٸلەردە 5 ملرد رەت تىڭدالعان, ال بەينەبايانى 55 ميلليوننان استام قارالىم جيناعان. تٷرلٸ ەلەۋمەتتٸك جەلٸدە 4,5 قولدانۋشى «جٷرەك» ەنٸن پايدالانىپ, قىسقا بەينەباياندار تٷسٸرگەن.
ەلەمدٸ ٶز حيتٸمەن باۋراپ جٷرگەن ەنشٸ كٸم?
Adam ەسٸمٸمەن تانىمال فارۋح توحتامۋراتوۆ جامبىل وبلىسى مەركٸ اۋىلىنىڭ تۋماسى. تەگٸ - ەتنيكالىق ٶزبەك. ايتۋىنشا, ول ەشقاشان مۋزىكامەن كەسٸبي تٷردە اينالىسپاعان. بۇعان دەيٸن ول قۇرىلىس بويىنشا تٷرلٸ جۇمىستاردى اتقارعان. اعاسىمەن تەندەرگە قاتىسىپ, Talan Towers-تٸڭ ەسٸكتەرٸن جاساپ بەرگەن.
دەگەنمەن, ەنشٸ ستۋدەنت كەزٸندە الماتىنىڭ ەرتٷرلٸ مەيرامحانالارىندا ورىنداۋشى بولىپ نەپاقا تاپقانىن ايتادى. تەك 2019 جىلدان باستاپ ول ٶنەر جولىنا بەت بۇرىپ, ورىس تٸلٸندە ەندەر شىعارعان. بٸراق ونىڭ ەشبٸرٸ حيتكە اينالماعان, قيىندىقتاردان شارشاعان ول تٸپتٸ كەيدە مۋزىكانى مٷلدە تاستاسام با دەگەن ويى بولعانىن دا جاسىرمادى.
«قازاق ەنٸ ەلەمدٸك حيت بولعانىنا ريزامىن»
ەنشٸ ٶز تۋىندىسىنىڭ مۇنداي فەنومەنگە اينالعانىنا تاڭقالعانىن جاسىرمادى. ونىڭ ويىنشا, جٷرەكتەن شىققان ەن ميلليونداردىڭ جٷرەگٸنە جول تابا بٸلدٸ.
«ەن قازاقستاندا ەيگٸلٸ بولادى دەپ بولجادىق. ٶيتكەنٸ باستى اكتسەنت وسىعان ەل ٸشٸنە قويىلدى. بٸز پرەمەرا الدىندا ەندٸ تىڭداعان دوستار مەن تۋىستارىمىزدىڭ كٶزقاراسىنا نازار اۋداردىق. ولاردىڭ تاڭدانىسى كەرەمەت, وڭ بولدى. بٸراق, بۇل ترەكتٸڭ world shazam-عا, ەلەمدٸك چارتتارعا تٷسكەنٸ ٷلكەن توسىنسىي بولدى, جەنە بٸز ەلەمدٸك چارتقا قازاق ترەگٸ ەنگەنٸنە ٶتە قۋانىشتىمىز», - دەيدٸ ول.
ول ٶزٸن قايتپاس قايسار ادام دەپ ەسەپتەيدٸ. ياعني بٸردەڭەنٸ قولعا السا, ەشقاشان سونى سوڭىنا دەيٸن جەتكٸزبەي قويمايدى. حيت ەندەردٸڭ شىعۋىنا وسى قاسيەتٸ كٶمەكتەسكەنٸنە سەنٸمدٸ.
«مەنٸڭ بويىمدا ەكٸ ادام ٶمٸر سٷرەدٸ. بٸرەۋٸ – فارۋح, بٸرەۋٸ – Adam. فارۋح Adam-عا ەن جازادى, ونى العا سٷيرەيدٸ», - دەيدٸ ەنشٸ.
فارۋح بۇعان دەيٸن دە ورىسشا ەندەر جازىپ, ورىنداپ كەلگەن. الايدا دەل قازاقشا ەنٸ وسىلاي ەلەمدٸك حيتكە اينالعانىنا دەن ريزا.
ەن ايتۋمەن قاتار Adam جىلقى اسىرايدى ەكەن. بۇل ونىڭ جان قالاۋى, ەرٸ تيٸمدٸ بيزنەس ەكەنٸن جاسىرمادى.
ەۋروپاعا تۋر
الدا Adam ەۋروپا مەن ازيياعا گاسترولدٸك ساپارعا اتتانباق. بۇل ونىڭ ەۋروپاعا تۇڭعىش ساپارى, ەرٸ بٸردەن گاسترولدٸك ساپار. ەندٸ ەنشٸ گاننوۆەر, دۋبلين, مادريد, بارسەلونا, يتالييا قالالارىندا ەن شىرقايدى.
قازٸردە ەنشٸنٸڭ حيتٸ ەۆروپا+ چارتىنا قوسىلعان, وسىلايشا 67 ەلدە قازاقتىڭ "جٷرەك" ەنٸ شىرقالۋدا.
