استاناداعى 5 بالانىڭ ٶلٸمٸ بٷكٸل حالىقتى ەسەڭگٸرەتتٸ. كٶزٸنەن جاسى, كٶڭٸلٸنەن زارى تٶگٸلگەن انا مەن ەكەنٸ جۇباتار سٶز تابىلا قويماس مۇندايدا. تەك بۇل جازبامىزدا قارا جامىلعان وتباسىنىڭ قايعىسىن تەڭ بٶلٸسپەككە ۇمتىلعان بارلىق قازاقستاندىقتاردىڭ باستامالارىن اتاپ ٶتۋدٸ جٶن كٶردٸك.
كٶكتالدا بٷگٸن بەس بالانى سوڭعى ساپارعا شىعارىپ سالدى. رەسٸمگە كەلگەن حالىقتىڭ قاراسى مول. قابىرعاسىن بٸر-بٸرلەپ سٶكسەڭ دە, قاباق شىتپاس ەرلەردٸڭ ٶزٸ كٶز جاسىنا ەرٸك بەردٸ. حالىقتىڭ مول شوعىرى تٸركەلگەن ەلەۋمەتتٸك جەلٸنٸ اشساڭىز, بۇل وقيعاعا قابىرعاسى قايىسپاعان, كٶڭٸل ايتپاعان ادامنىڭ كەمدە-كەم ەكەنٸن كٶرەسٸز. شيەتتەي بالالارىن اسىراۋ ٷشٸن تٷن قاتىپ جٷرٸپ, جۇمىسقا جەگٸلگەن ەكە مەن شەشەنٸڭ بٸر ەمەس, تٶرت نەسيەسٸنٸڭ بارى بەلگٸلٸ بولدى. ەلەۋمەتتٸك جەلٸدە تاراعان وتباسىنىڭ شوتىنا حالىق شاما-شارقىنشا اقشا اۋدارىپ جاتىر.
الماتى جۇرتشىلىعى بٷگٸن استانادا ٷيٸندە ٶرتەنٸپ كەتكەن 5 بالانى ەسكە الۋ ٷشٸن 28 پانفيلوۆشىلار پاركٸندەگٸ مəڭگٸلٸك الاۋ ماڭىنا جينالدى. قايعىلى قازا قابىرعاسىن قايىستىرعان جۇرتشىلىق ٷنسٸز عانا الاۋ باسىنا كەلٸپ, گٷل شوقتارى مەن ويىنشىقتار, شامدار قويا باستادى.
مۇنداي ازا تۇتۋ شاراسى ەلٸمٸزدٸڭ بٸرقاتار قالاسىندا جٷرٸپ جاتىر.
قازاقستان مۇسىلماندارى دٸني باسقارماسى قارالى وتباسىعا بٷگٸن 13 ميلليون تەڭگە اۋدارىلعالى وتىرعانىن حابارلادى. «ەزٸرەت سۇلتان» مەشٸتٸنٸڭ ۇستازى ماقساتبەك قايىرعاليەۆ بٷگٸن 13,4 ملن تەڭگە جينالعانىن, بۇل سوما قاسٸرەت شەككەن جانۇياعا تابىستالاتىنىن ايتقان. ٸزٸن الا استانانىڭ باس يمامى ناۋرىزباي قاجى تاعانۇلى بەس بالاسىنان ايىرىلعان وتباسىعا ٷي الىپ بەرەتٸندەرٸن جەتكٸزدٸ.
«بٸز ولاردىڭ اتا-اناسىمەن سٶيلەستٸك. اقىلداسا كەلە, مەشٸت اتىنان باسپانا ساتىپ الىپ بەرەمٸز دەپ شەشتٸك. بٸز وسىلاي كەلٸستٸك», - دەدٸ ول.
كاسپيي بانك تاراپىنان دا وتباسىعا كٶمەك بەرٸلدٸ. ٶز قولداۋى رەتٸندە بانك قارا جامىلعان وتباسىنىڭ نەسيەسٸن جاباتىن بولدى.
بولعان وقيعاعا قاتىستى مەملەكەتتٸك ورگاندار دا كٶمەك قولىن سوزۋدا. مەدەنيەت جەنە سپورت مينيسترلٸگٸنٸڭ قىزمەتكەرلەرٸ قايعىداعى وتباسى شوتىنا بٸر كٷندٸك جالاقىلارىن اۋدارماق.
بۇل جاقسىلىقتىڭ بەرٸ دە ەسەڭگٸرەگەن ەكە-شەشەنٸڭ قايعى جٷگٸن بٸر مىسقال دا ازايتا الماس. دەسە دە, بەرٸ دە شىن نيەتٸمەن كٶمەك قولىن سوزىپ جاتىر...
ەسكە سالا كەتەيٸك, 4 اقپان كٷنٸ تٷندە «كٶكتال-1» تۇرعىن ٷي الابىندا جەكە ٷيدٸڭ اۋلاسىندا تۇرعىزىلعان ۋاقىتشا باسپانادان ٶرت شىقتى. ٶرتتٸ سٶندٸرۋ بارىسىندا 2006, 2008, 2014, 2016, 2018 جىلدارى تۋعان 5 قىز بالانىڭ دەنەسٸ تابىلدى.
قايعىلى وقيعا كەزٸندە بەس بالانىڭ اتا-اناسى تٷنگٸ جۇمىستا بولعان.
بٷگٸن 5 بالانى ەلوردالىقتار اقتىق ساپارعا شىعارىپ سالدى. سونداي-اق, ەلباسى ٶرتتە قازا بولعان بالالاردىڭ وتباسىنا كٶڭٸل ايتتى.
