بٷگٸنگٸ تاڭدا 3 ملن 482 مىڭ ادامعا تج كەزەڭٸندە تابىسىنان ايىرىلۋىنا بايلانىستى مەملەكەتتٸك ەلەۋمەتتٸك ساقتاندىرۋ قورىنان ەلەۋمەتتٸك تٶلەم تاعايىندالدى. ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنە سەيكەس, «42 500 تەڭگە» تٶلەمگە 6 ملن 671 مىڭ ازامات ٶتٸنٸش بەردٸ. وسى ورايدا Strategy2050.kz ەلدٸڭ ەر ٶڭٸرٸنەندەگٸ تابىسىنان ايىرىلىپ, اتالعان قارجىنى العان تۇرعىنداردىڭ پٸكٸرٸمەن بٶلٸستٸ, دەپ حابارلايدى "ۇلت اقپارات".
- اينارا بايجان, نۇر-سۇلتان قالاسىنىڭ تۇرعىنى:
- مەن - ەكٸ بالانىڭ اناسىمىن. بٸر جىلدان استى جەكە كەسٸپكەرلٸگٸم بار. كەسٸبٸم بويىنشا سالىق تٶلەپ تۇردىم. كارانتينگە بايلانىستى كەسٸبٸم ەزٸرگە توقتاپ تۇر. سوندىقتان دا 42500 تەڭگەلٸك ەلەۋمەتتٸك تٶلەمدٸ الۋعا ٶتٸنٸم بەردٸم. ول تٶلەم ماعان تاعايىندالدى. قازٸرگٸ قيىن-قىستاۋ كەزەڭدە بۇل - ايتارلىقتاي كٶمەك. وسىنداي شارالاردى جٷزەگە اسىرىپ جاتقان ٷكٸمەتكە ريزامىن.
- راۋانا تامشى, الماتى قالاسىنىڭ تۇرعىنى:
- مەن بىلتىر جازدان بەرٸ فريلانسەر بولىپ جۇمىس ٸستەپ جٷرگەنمٸن. ٶكٸنٸشكە قاراي, كارانتين باستالعاندا بٸزدٸڭ دە جۇمىس توقتاپ قالدى. بٸراق, وسى ٶتكەن بٸر جىل ٸشٸندە 4 اي مەنٸڭ زەينەتاقى تٶلەمدەرٸ جٷرٸپ تۇردى. سول سەبەپتٸ 42500 تەڭگەنٸ الۋعا 2651 تەڭگە بٸرىڭعاي جيىنتىقتى ٶتەپ, ٶتٸنٸش جٸبەردٸم. ٶتٸنٸم جٸبەرگەن كٷننٸڭ ەرتەسٸنە ەلەۋمەتتٸك تٶلەم تٷستٸ. قازٸر تابىسسىز وتىرعاننان كەيٸن الدىم. جۇمىسىم توقتاماسا, بۇل تٶلەمدٸ مۇقتاج جاندارعا قالدىرىپ, ٶتٸنٸم بەرمەيتٸن دە ەدٸم.
- ەسەل حايرۋللينا, پەتروپاۆل قالاسىنىڭ تۇرعىنى:
- تٶتەنشە جاعدايعا دەيٸن مەن ساۋدا ورتالىعىندا ساتۋشى بولىپ جۇمىس ٸستەدٸم. الايدا, كارانتينگە بايلانىستى جۇمىسىمىز توقتاپ, مەنٸڭ تابىس كٶزٸم توقتادى. جالاقىسىز قالعاننان كەيٸن وسىدان بٸرنەشە كٷن بۇرىن egov.kz سايتى ارقىلى مەملەكەت تاراپىنان بەرٸپ جاتقان 42 500 تەڭگەگە ٶتٸنٸم بەردٸم جەنە ول بٸرنەشە كٷننەن كەيٸن مەنٸڭ ەسەپشوتىما تٷستٸ. از دا بولسا, كٶپ كٶمەك دەمەكشٸ, ەرينە, بۇل قۋانتادى. بٸراق, كارانتين بٸتكەننەن كەيٸن مەملەكەت تاراپىنان بەرٸلگەن وسى كٶمەك قارا حالىقتان 2 ەسە قايتارىلماسا ەكەن دەگەن نيەت بار. جالپى, ٷلكەن راحمەت.
- گٷلزادا بەكماعامبەتوۆا, بقو قاراتٶبە اۋدانى اققوزى اۋىلىنىڭ تۇرعىنى
- بۇعان دەيٸن ەكٸمدٸكتەگٸ ەڭبەك بيرجاسىندا تٸركەۋدە تۇرعانمىن. وسىدان بٸرەر كٷن بۇرىن اققوزى اۋىلدىق وكرۋگٸ ەكٸمشٸلٸگٸنٸڭ قىزمەتكەرٸ حابارلاسىپ, تٶتەنشە جاعدايعا بايلانىستى مەملەكەت تاعايىنداعان 42 500 تەڭگەنٸ الۋعا مٷمكٸندٸگٸم بار ەكەنٸن ايتتى. تەلەگرام جەلٸسٸندەگٸ egov-تىڭ پاراقشاسىنا تٸركەلٸپ, ٶتٸنٸش بەرۋ كەرەكتٸگٸن ەسكەرتكەن بولاتىن. الايدا, مەن ونى قولدانا المايتىندىعىمدى جەتكٸزدٸم. كەيٸن ەكٸمشٸلٸك قىزمەتكەرٸ ٶتٸنٸش بەرۋٸمە كٶمەكتەستٸ, سٶيتٸپ تٶلەماقىعا يە بولدىم. ەكٸمشٸلٸك قىزمەتكەرلەرٸنە العىسىم شەكسٸز. سونداي-اق وسىنداي قيىن كەزەڭدە ازاماتتاردى قارجىلىق جاعىنان دا قولداۋ كٶرسەتٸپ وتىرعان ٷكٸمەتكە ريزامىن. مەن ەكٸ قىزدىڭ اناسىمىن. ەكەۋٸ دە مەكتەپكە بارادى. مىنا ەلەۋمەتتٸك تٶلەماقى وتباسىمىزعا ٷلكەن كٶمەك بولىپ وتىر. بۇل قاراجاتتى ازىق-تٷلٸككە, تاعى باسقا كەرەك-جاراعىمىزعا جاراتپاقپىز.
- اقجارقىن جەتمەكوۆا, بقو ورال قالاسىنىڭ تۇرعىنى
مەن - دەنە شەنىقتىرۋ پەنٸنٸڭ مۇعالٸمٸمٸن. دەكرەتتٸك دەمالىسقا شىققانعا دەيٸن ورال قالاسىنداعى №37 مەكتەپتە ۇستازدىق ەتتٸم. كەيٸن بالالى بولىپ, دەكرەتكە شىقتىم. بٸر جىل بويىنا مەملەكەتتٸڭ دەكرەتتە وتىرعان اناعا تاعايىنداعان جەردەماقىسىن الىپ كەلدٸم. قازٸر ۇلىم بٸر جاستان استى. نەگٸزٸ جۇمىسقا شىقسام با دەپ جوسپارلاعانمىن. الايدا, ەلدەگٸ تٶتەنشە جاعدايعا بايلانىستى جوسپارىم ٸسكە اسپاي قالدى. كەيٸن ەلەۋمەتتٸك تٶلەم تۋرالى ەستٸپ, ٶتٸنٸش بەرەتٸن جولىن ٸزدەستٸردٸم. العاشىندا egov سايتى مەن تەلەگرام بوت دۇرىس جۇمىس ٸستەمەدٸ. الايدا ٷكٸمەت تەلەگرام-بوتتى ەر ايماقتىڭ تۇرعىندارىنا بٶلەك اشقان. بۇل جۇمىستى تەزدەتتٸ. وسىلايشا, ٶتٸنٸش بەردٸم, بٸر اپتانىڭ ٸشٸندە ەسەپشوتىما 42 500 تەڭگە تٷستٸ. قيىن كەزەڭدەردە ازاماتتارىنىڭ جاعدايىن ويلاپ, قارجىلاي جەردەم بەرٸپ وتىرعان ٷكٸمەتكە العىس ايتامىن.
نازەركە سٷيٸندٸك
