قر ٷكٸمەتٸندەگٸ بريفينگتە قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ "42 500 تەڭگە كٶلەمٸندە تٶلەم الۋعا ٶتٸنٸمدەردٸ قابىلداۋ قايتا جالعاسا ما جەنە جىل قورىتىندىسى بويىنشا جۇمىسسىزدىق دەڭگەيٸ قانداي بولادى" دەگەن سۇراقتارعا جاۋاپ بەردٸ, دەپ حابارلايدى "ۇلت اقپارات".
نۇرىمبەتوۆ 42 500 تەڭگە — تٶتەنشە جاعداي ەنگٸزٸلگەنگە دەيٸن جۇمىس ٸستەگەن, الايدا تج ەنگٸزٸلۋٸنە بايلانىستى تابىسىنان ايىرىلعان ازاماتتارعا بەرٸلەتٸن تٶلەم ەكەنٸن ەسكە سالدى.
«بٷگٸندە جالپى 4 ملن 539 مىڭ ادام بۇل ٶتەماقىنى الدى, وعان بارلىعى 193 ملرد تەڭگە جۇمسالدى», — دەدٸ مينيستر.
سونداي-اق نۇرىمبەتوۆ وسى جىلدىڭ 16 سەۋٸرٸنە دەيٸن ٶتٸنٸش بەرگەن ادامدار ەكٸنشٸ اي ٷشٸن دە تٶلەم الا الاتىنىن تٷسٸندٸردٸ. مۇنداي ازاماتتار سانى — 3 ملن 735 مىڭ ادام.
«مامىر ايىنان باستاپ بٸز تٶلەمنٸڭ ەكٸنشٸ كەزەڭٸن باستادىق. 5-6 مامىر كٷندەرٸ دەمالىس الدىندا بٸز 2 ملن-عا جۋىق ادامنىڭ ٶتٸنٸمٸن رەسٸمدەدٸك جەنە 99 ملرد تەڭگە بانكتەرگە جٸبەرٸلدٸ. كەيبٸر ازاماتتار ەكٸنشٸ اي ٷشٸن تٶلەم الىپ ٷلگەردٸ, بٸراق بانكتەر جۇمىس ٸستەمەگەندٸكتەن, بارلىعى الا المادى, ەندٸ بانكتەر وسى تٶلەمدەردٸ تيٸستٸ ادامدارعا جٸبەرە باستايدى», — دەدٸ بٸرجان نۇرىمبەتوۆ.
سونىمەن قاتار ول بٷگٸنگٸ تاڭدا ەلەۋمەتتٸك تٶلەمدەر بويىنشا ٶتٸنٸشتەر قابىلداۋ اياقتالعانىن حابارلادى.
«بٷگٸن تج رەجيمٸ اياقتالدى جەنە بٸز ٶتٸنٸمدەردٸ قابىلداۋدى توقتاتامىز. الايدا, 11 مامىرعا دەيٸن قابىلدانعان ٶتٸنٸشتەر مٸندەتتٸ تٷردە قارالادى جەنە سەيكەس بولعان جاعدايدا تٶلەم جاسالادى», — دەپ اتاپ ٶتتٸ مينيستر.
سونىمەن قاتار قر ەڭبەك جەنە حالىقتى ەلەۋمەتتٸك قورعاۋ مينيسترٸ تج ەكٸ ايلىق رەجيمٸنە جەنە بۇدان ەرٸ جالعاساتىن كارانتينگە بايلانىستى ەلٸمٸزدە كٷتٸلەتٸن جۇمىسسىزدىق دەڭگەيٸنە جاسالعان بولجامدى جارييالادى.
ب. نۇرىمبەتوۆ حابارلاعانداي, ەڭبەك نارىعىنداعى جاعداي جەنە جۇمىسپەن قامتۋدى قالپىنا كەلتٸرۋ, بٸرٸنشٸ كەزەكتە, كارانتيندٸك شارالاردىڭ تٶمەندەۋ جەنە بەسەڭدەۋ قارقىنىنا جەنە كەسٸپورىندار مەن ۇيىمداردىڭ قىزمەتٸن قايتا باستاۋعا, سونداي-اق ەكونوميكانى جانداندىرۋ شارالارىنا بايلانىستى بولادى.
«ەرينە, جۇمىسپەن قامتۋدى قالپىنا كەلتٸرۋ جەڭٸل ٷدەرٸس ەمەس. دەگەنمەن, ەڭبەك جەنە حالىقتى ەلەۋمەتتٸك قورعاۋ مينيسترلٸگٸ دەڭگەيٸندە بولجام جاسالدى: بٸز كارانتيندٸك شارالاردى بەسەڭدەتۋدٸڭ نەگٸزگٸ كٶلەمٸ ماۋسىم-شٸلدە ايلارىندا بولسا, جۇمىسپەن قامتۋدى تولىق قالپىنا كەلتٸرۋ وسى جىلدىڭ IV توقسانىندا باستالادى دەپ ەسەپتەيمٸز. جىل قورىتىندىسى بويىنشا جۇمىسسىزدىق دەڭگەيٸ تٶتەنشە جاعداي رەجيمٸن ەنگٸزگەنگە دەيٸنگٸ 4,8 پايىزبەن سالىستىرعاندا 5,9% دەڭگەيٸندە بولۋى مٷمكٸن», — دەدٸ مينيستر.
بٷگٸندە ٷكٸمەت حالىقتى جۇمىسپەن قامتاماسىز ەتۋ بويىنشا شارالار قابىلداعان, جۇمىسپەن قامتۋدىڭ جول كارتاسى ٸسكە قوسىلدى, «ەڭبەك» باعدارلاماسىنىڭ مٷمكٸندٸكتەرٸ كەڭەيتٸلدٸ.
«ٶزگە توعىز مەملەكەتتٸك باعدارلامالارمەن قاتار, ولاردىڭ ەلەۋەتٸن ەسكەرە وتىرىپ, 2020 جىلى 1 ملن 200 مىڭنان استام ادام جۇمىسپەن قامتىلادى», — دەدٸ مينيستر سٶزٸن تٷيٸندەپ.
