قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ 42 500 تەڭگە جەردەماقىعا ٶتٸنٸم بەرۋ جولدارىن تٷسٸندٸردٸ, دەپ حابارلايدى قازاقپارات.
«جالدامالى جۇمىسشىلار ٷشٸن ٶتٸنٸش بەرەتٸن جۇمىس بەرۋشٸلەر نازارىنا: سٸزدەر اقىسىز دەمالىسقا جٸبەرٸلگەن ٶز قىزمەتكەرلەرٸڭٸز ٷشٸن عانا ٶتٸنٸش بەرە الاسىزدار. قاشىقتان, تولىق ەمەس رەجٸمدە ٸستەيتٸن, جالاقىسىن تولىق الىپ جٷرگەن قىزمەتكەرلەردٸ بۇل ٶتٸنٸشكە قوسا المايسىز. ٶتٸنٸشتٸ ەكٸ پورتالدا: egov.kz – «ەلەكتروندى ٷكٸمەتتٸڭ» ۆەب-پورتالى جەنە 42500.enbek.kz پورتالىندا تٸركەي الاسىزدار. وندا كەسٸپورىننىڭ مەلٸمەتٸن كٶرسەتەسٸزدەر. بين-دٸ كٶرسەتكەندە بارلىق اقپارات شىعادى. ەر جۇمىسشىنىڭ جسن-ىن كٶرسەتكەندە ادام تۋرالى بارلىق مەلٸمەت شىعادى, سونى بٸر تەكسەرٸپ الاسىزدار. پورتالعا كٸرگەندە 20 قىزمەتكەردٸڭ ٶتٸنٸشٸن توپتاستىرىپ جٸبەرە الاسىزدار. سٶيتٸپ, ونى ەلەكتروندى تسيفرلىق قولتاڭبامەن بەكٸتەسٸزدەر. تاعى دا ەسكەرتەمٸن, كارانتينگە قاتىستى كٷشەيتٸلگەن شارالار كەسٸرٸنەن جۇمىسىڭىز توقتاپ تۇرسا عانا ٶتٸنٸش جٸبەرٸڭٸزدەر. ونى اۋداندىق شتابتار تەكسەرەدٸ», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
مينيستر جۇمىسشىلاردىڭ ٶزدەرٸ ٶتٸنٸم بەرٸپ, ەۋرە بولماۋىن ەسكەرتتٸ.
«جۇمىسشىلاردىڭ ٶزدەرٸ جٸبەرگەن ٶتٸنٸش بەرٸبٸر قابىلدانبايدى. باسقالارعا كەدەرگٸ جاساماۋىڭىزدى سۇرايمىز. 42500.enbek.kz پورتالىندا ٶز مەرتەبەڭٸزدٸ باقىلاي الاسىزدار. ٶتٸنٸشتٸڭ بەرٸلگەنٸ جەنە قانداي ساتىدا قارالىپ جاتقانى تۋرالى مەلٸمەت الا الاسىزدار. ال جەكە پراكتيكامەن اينالىسىپ جٷرگەن ازاماتتار ٶتٸنٸشتٸ ٶزدەرٸ بەرەدٸ. ولار ەكٸ پورتالعا قوسىمشا «ەلەكتروندى ٷكٸمەتتٸڭ» telegram-bot-تارىن دا پايدالانا الادى. باسقا ازاماتتار – جەكە تۇلعالار وسى پورتالدار ارقىلى جەنە تەلەگرام-بوت ارقىلى ٶتٸنٸم بەرە الادى. سٸزدەرگە قويىلاتىن بٸر عانا شارت – جۇمىستارىڭىزدىڭ توقتاپ تۇرعانى. ونى اۋداندىق شتابتار مەن سالىق كوميتەتٸ تەكسەرەدٸ. ەگەر كەسٸبٸڭٸز توقتاماسا, ٶتٸنٸش بەرۋدٸڭ قاجەتٸ جوق», - دەدٸ ب. نۇرىمبەتوۆ.
ەرتەڭنەن باستاپ, egov.kz – «ەلەكتروندى ٷكٸمەتتٸڭ» ۆەب-پورتالى, 42500.enbek.kz پورتالى جەنە تەلەگرام-بوتتار ٶتٸنٸش قابىلداۋدى باستايدى.
«كاسپي بانك پەن حالىق بانك قوسىمشالارى ەلٸ دايىن ەمەس. دايىن بولعاسىن, ولار دا بٸردەن ٸسكە قوسىلادى. سٸزدەردەن بٸر عانا ٶتٸنٸش بەرۋدٸ سۇرايمىز. ەر پورتالعا بٸر-بٸر ٶتٸنٸمنەن بەرۋدٸڭ قاجەتٸ جوق. بەرٸبٸر ەكٸنشٸ ٶتٸنٸش قابىلدانبايدى, بٸراق ول پورتالدارعا سالماق سالۋى مٷمكٸن. باسقا ازاماتتاردىڭ ٶتٸنٸش بەرۋٸنە كەدەرگٸ بولادى», - دەدٸ بٸرجان نۇرىمبەتوۆ.
