تٶتەنشە جاعداي رەجيمٸ كەزٸندە جۇمىسسىز قالعان ازاماتتارعا تٶلەنگەن 42 500 تەڭگە ەلەۋمەتتٸك كٶمەك ەندٸ بەرٸلمەيدٸ. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى "ۇلت اقپارات".
«ەندٸ 42 500 تەڭگە تٶلەنبەيدٸ. ونى جوسپارلاپ تا وتىرعان جوقپىز. 42 500 ەلەۋمەتتٸك تٶلەمٸنە بيۋدجەتتەن قارجى قاراستىرىلماعان. مەملەكەتتٸك ەلەۋمەتتٸك ساقتاندىرۋ قورىنىڭ اكتيۆتەرٸن ساتۋ ەسەبٸنەن تٷسكەن قاراجات پايدالانىلعان بولاتىن», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگ بارىسىندا.
مينيستر بۇل جۇمىستاردىڭ بارىسىندا ەڭبەك مينيسترلٸگٸنە ەلٸمٸزدٸڭ ۇلتتىق بانكٸ كٶمەك كٶرسەتكەندٸگٸن باسا ايتتى.
«بۇل تۇرعىدا بٸزگە ۇلتتىق بانك كٶپ كٶمەگٸن كٶرسەتتٸ. ول قور اكتيۆتەرٸن ساتۋ, قارجى قۇرالدارىن جابۋ ارقىلى قاجەتتٸ اقشا قاراجاتىن بوساتىپ بەردٸ. سونىڭ ارقاسىندا مەملەكەتتٸك ەلەۋمەتتٸك ساقتاندىرۋ قورى 322 ملرد تەڭگە اكتيۆٸن جۇمساپ, 4 ملن 607 مىڭ ادام 42 500 تەڭگەدەن الدى. سول سەبەپتٸ بٷگٸنگٸ كٷنٸ مەملەكەتتٸك ەلەۋمەتتٸك ساقتاندىرۋ قورىنىڭ قارجىلىق مٷمكٸندٸگٸ شەكتەلٸپ وتىر. ەگەر احۋالعا بايلانىستى قانداي دا بٸر تٶلەمدەر جاساۋ قاجەتتٸلٸگٸ تۋىنداپ جاتاتىن بولسا, وندا باسقا قارجى كٶزدەرٸ تابىلىپ قالار», - دەدٸ بٸرجان نۇرىمبەتوۆ.
