Tótenshe jaǵdai rejimi kezinde jumyssyz qalǵan azamattarǵa tólengen 42 500 teńge áleýmettik kómek endi berilmeidi. Bul týraly QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Endi 42 500 teńge tólenbeidi. Ony josparlap ta otyrǵan joqpyz. 42 500 áleýmettik tólemine biýdjetten qarjy qarastyrylmaǵan. Memlekettik áleýmettik saqtandyrý qorynyń aktivterin satý esebinen túsken qarajat paidalanylǵan bolatyn», - dedi ministr Ortalyq kommýnikatsiialar qyzmetindegi brifing barysynda.
Ministr bul jumystardyń barysynda Eńbek ministrligine elimizdiń Ulttyq banki kómek kórsetkendigin basa aitty.
«Bul turǵyda bizge Ulttyq bank kóp kómegin kórsetti. Ol qor aktivterin satý, qarjy quraldaryn jabý arqyly qajetti aqsha qarajatyn bosatyp berdi. Sonyń arqasynda Memlekettik áleýmettik saqtandyrý qory 322 mlrd teńge aktivin jumsap, 4 mln 607 myń adam 42 500 teńgeden aldy. Sol sebepti búgingi kúni Memlekettik áleýmettik saqtandyrý qorynyń qarjylyq múmkindigi shektelip otyr. Eger ahýalǵa bailanysty qandai da bir tólemder jasaý qajettiligi týyndap jatatyn bolsa, onda basqa qarjy kózderi tabylyp qalar», - dedi Birjan Nurymbetov.
