شىعىس قازاقستان وبلىسىنىڭ قۇتقارۋشىلارى كٶپقاباتتى ٷي بالكونىنان قۇلاعالى تۇرعان ەيەلدٸ امان الىپ قالدى دەپ حابارلايدى "ۇلت اقپارات".
«بٷگٸن تاڭەرتەڭ ەرتە «101» قىزمەتٸنە ٶسكەمەن قالاسىنىڭ نازارباەۆ داڭعىلىندا ورنالاسقان ٷيدٸڭ ٷشٸنشٸ قاباتىنىڭ تەرەزەسٸندە ەيەل تۇرعانى تۋرالى قوڭىراۋ تٷستٸ. قۇتقارۋشىلار وقيعا ورنىنا جەدەل جەتتٸ. ول كەزدە ەيەل بالكونعا ٸلٸنٸپ, قۇلاۋدىڭ از-اق الدىندا تۇردى.
شقو تجد مامانداندىرىلعان جاساعىنىڭ قىزمەتكەرٸ شىڭعىس سماعۇلوۆ 4-قاباتتان قۇتقارۋ ارقانىمەن بالكونعا تٷسٸپ, سوڭعى سەتتە ەيەلدٸ ۇستاپ قالدى. سٶيتٸپ, ونى اقىرىن تٶمەن تٷسٸردٸ.
شىڭعىس ەرەكەت ەتٸپ جاتقاندا, قۇتقارۋشىلار مەن پوليتسييا قىزمەتكەرلەرٸ تٶمەننەن كەنەپتٸ سوزىپ, ساقتاندىرىپ تۇردى», - دەپ مەلٸم ەتتٸ شقو تٶتەنشە جاعدايلار دەپارتامەنتٸنەن.
40 جاستاعى ەيەل جەدەل جەردەم قىزمەتكەرلەرٸنە تابىستالدى. قازٸر ونىڭ ٶمٸرٸنە قاۋٸپ تٶنٸپ تۇرعان جوق.
