الماتى وبلىسىندا اۋا رايىنا بايلانىستى ەسكەرتۋ جارييالاندى, دەپ حابارلايدى "ۇلت اقپارات".
الماتى وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ تاراتقان حابارلامادا ٶڭٸردٸڭ كەي ايماقتارىندا 37 گرادۋسقا دەيٸن ىستىق بولىپ, ٶرت قاۋپٸنٸڭ ساقتالاتىنى ەسكەرتٸلٸپ وتىر.
«قازگيدرومەت» رەسپۋبليكالىق كوممۋنالدىق كەسٸپورنى 3 ماۋسىمدا داۋىلدى ەسكەرتۋ جارييالادى. سونىڭ نەگٸزٸندە 4 ماۋسىم كٷنٸ الماتى وبلىسىنىڭ كەيبٸر اۋماقتارىندا نايزاعاي جارقىلدايدى. شاڭدى داۋىل سوعىپ, بۇرشاق جاۋۋى مٷمكٸن. سونداي-اق كٷندٸز كەي ايماقتاردا 37 گرادۋسقا دەيٸن اپتاپ ىستىق بولادى جەنە جوعارى ٶرت قاۋپٸ ساقتالادى. سونىمەن قاتار ٸلە الاتاۋى مەن جەتٸسۋ الاتاۋى تاۋلارىندا ازداعان ٶتكٸنشٸ جاڭبىر جاۋىپ, كٷن كٷركٸرەيدٸ, بۇرشاق جاۋۋى مٷمكٸن. جەل باتىستان سوعادى. نايزاعاي كەزٸندە جەلدٸڭ ەكپٸنٸ 25 م/س دەيٸن جەتەدٸ. الماتى وبلىسىنىڭ تجد ازاماتتاردى اۋا رايىنىڭ ٶزگەرۋٸن باقىلاۋعا الىپ, ساقتىق شارالارىن ساقتاۋعا شاقىرادى» دەلٸنگەن ۆەدومستۆونىڭ حابارلاماسىندا.
