Almaty oblysynda aýa raiyna bailanysty eskertý jariialandy, dep habarlaidy "Ult aqparat".
Almaty oblystyq tótenshe jaǵdailar departamentiniń baspasóz qyzmeti taratqan habarlamada óńirdiń kei aimaqtarynda 37 gradýsqa deiin ystyq bolyp, órt qaýpiniń saqtalatyny eskertilip otyr.
«Qazgidromet» respýblikalyq kommýnaldyq kásiporny 3 maýsymda daýyldy eskertý jariialady. Sonyń negizinde 4 maýsym kúni Almaty oblysynyń keibir aýmaqtarynda naizaǵai jarqyldaidy. Shańdy daýyl soǵyp, burshaq jaýýy múmkin. Sondai-aq kúndiz kei aimaqtarda 37 gradýsqa deiin aptap ystyq bolady jáne joǵary órt qaýpi saqtalady. Sonymen qatar Ile Alataýy men Jetisý Alataýy taýlarynda azdaǵan ótkinshi jańbyr jaýyp, kún kúrkireidi, burshaq jaýýy múmkin. Jel batystan soǵady. Naizaǵai kezinde jeldiń ekpini 25 m/s deiin jetedi. Almaty oblysynyń TJD azamattardy aýa raiynyń ózgerýin baqylaýǵa alyp, saqtyq sharalaryn saqtaýǵa shaqyrady» delingen vedomstvonyń habarlamasynda.
