3 ميلليونعا جۋىق ادامعا 42 500 تەڭگە ەلەۋمەتتٸك تٶلەم تٶلەۋدەن باس تارتىلدى. ونىڭ سەبەپتەرٸن ورتالىق كوممۋنيكاتسييالار قىزمەتٸندەگٸ بريفينگٸدە قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ تٷسٸندٸرٸپ بەردٸ, دەپ حابارلايدى قازاقپارات تٸلشٸسٸ.
«بٸز 3 ميلليونعا جۋىق ادامنىڭ ٶتٸنٸشٸنەن باس تارتتىق. وسىعان قاتىستى دا ساۋالدار تٷسٸپ جاتقاندىقتان تٷسٸندٸرە كەتەيٸن. بٸرٸنشٸسٸ, جەكە سەيكەستەندٸرۋ نٶمٸرٸن دۇرىس كٶرسەتپەگەن. 12 تسيفردى جاڭىلىسپاي, تيياناقتى تٷردە دۇرىس كٶرسەتكەندەرٸڭٸز جٶن. سەبەبٸ جسن-دٸ تەكسەرگەندە سٸزدٸكٸ ەمەس, باسقا ادامدٸكٸ بولىپ شىعۋى مٷمكٸن. سوندىقتان مۇنداي قاتەلەردٸ تٷزەتٸپ, قايتا جٸبەرۋ كەرەك. 160 مىڭداي ادام وسىنداي قاتە جٸبەرگەن», - دەدٸ مينيستر.
ونىڭ ايتۋىنشا, ەكٸنشٸدەن, بانكتەردٸڭ رەكۆيزيتتەرٸنە, ەسەپشوتتارعا قاتىستى دا كٶپ مەسەلە تۋىنداپ جاتىر. ياعني, ازاماتتار ٶتٸنٸش بەرگەن كەزدە KZ دەپ باستالاتىن 20 تسيفردى كٶرسەتۋ قاجەت.
«كەيبٸرەۋلەر كارتالارىنىڭ 16 تسيفرلى نٶمٸرٸن كٶرسەتەدٸ. بٸز بانكتەگٸ سٸزدٸڭ 20 تسيفرلى ەسەپشوتىڭىزعا, ال بانك كارتاڭىزعا اۋدارىپ بەرەدٸ. وسى رەتتە سٸزدەردٸڭ ەسەپشوتتارىڭىزدى قالاي تەكسەرەتٸندٸگٸمٸزدٸ تٷسٸندٸرٸپ بەرەيٸن. ٶتٸنٸش كەلگەندە بانكتٸك ەسەپشوتىڭىزدىڭ 20 تسيفرلى ما ەكەندٸگٸن تەكسەرەمٸز. 19 سان بولسا دۇرىس ەمەس. KZ دەگەننەن كەيٸنگٸ ساندار قاي بانكتەگٸ ەسەپشوت ەكەنٸن كٶرسەتەدٸ. ەگەر ول جابىلىپ قالعان بانك بولسا, وندا ٶتٸنٸشتەرٸڭٸزدٸ كەرٸ قايتارىپ جاتىرمىز. 20 سانى تٷگەل بولسا تٶلەم تاعايىنداۋعا جٸبەرەمٸز», - دەدٸ ول.
مينيستردٸڭ دەرەگٸنشە, دەل وسى جەردە تاعى بٸر پروبلەمالار تۋىنداپ وتىر.
«تٶلەم تاعايىندالعاننان كەيٸن 1 جۇمىس كٷنٸنٸڭ ٸشٸندە سٸزدەر كٶرسەتكەن ەسەپشوتقا قاراجاتتى اۋدارامىز. بٸراق, وسى كٷندەرٸ 800 مىڭنان استام ادامنىڭ اقشا اۋدارىلعان ەسەپشوتىنان بانك بٸزگە كەرٸ قايتارىپ جٸبەردٸ. سٶيتسەك, سٸزدەردٸڭ بەرگەندەرٸڭٸز ول بانكتەردە جابىلىپ قالعان ەسەپشوتتارىڭىز ەكەن. سودان كەيٸن سول بانكتەگٸ قولدانىستاعى باسقا ەسەپشوتتارىڭىزعا اۋدارىپ بەردٸك. مۇنان بٶلەك, 70 مىڭ ادامنىڭ ول بانكتە 20 تسيفرلى ەسەپشوتى بولماي شىقتى. سوندىقتان سٸزدەرگە «باسقا, دۇرىس بانك ەسەپشوتىن كٶرسەتٸڭٸزدەر» دەگەن سمس جٸبەرٸلەدٸ», - دەدٸ بٸرجان نۇرىمبەتوۆ.
سونىمەن قاتار, مينيستر ٷشٸنشٸدەن مەملەكەتتٸك قىزمەتشٸلەردٸڭ, جابىلماعان مەكەمەلەردٸڭ قىزمەتكەرلەرٸنٸڭ ٶتٸنٸشتەرٸ كەرٸ قايتارىلىپ جاتقاندىعىن ايتتى.
«مەملەكەتتٸك ورگاندارعا, ۇيىمدارعا 42 500 تەڭگەنٸڭ قاتىسى جوق. سەبەبٸ ولاردىڭ جۇمىستارى شەكتەلگەن جوق. ولار قاشىقتان جۇمىس ٸستەپ جاتىر. سوندىقتان مەملەكەتتٸك قىزمەتشٸلەردٸڭ ٶتٸنٸش تٶلەۋ, بٸرىڭعاي جيىنتىق تٶلەم تٶلەۋٸ قاجەت ەمەس. تٸپتٸ, مەملەكەتتٸك قىزمەتكەرگە بجت تٶلەۋگە بولمايدى. سەبەبٸ بجت تٶلەگەن ادام كەسٸپكەرلٸكپەن اينالىساتىندىعىن بٸلدٸرەدٸ. ال مەملەكەتتٸك قىزمەتكەرگە كەسٸپكەرلٸكپەن اينالىسۋعا بولمايدى», - دەدٸ ەڭبەك مينيسترٸ.
ونىڭ اتاپ ٶتۋٸنشە, زەينەتكەرلەر مەن مٷگەدەكتەردٸڭ دە ٶتٸنٸشتەرٸ كەرٸ قايتارىلىپ جاتىر. جالپى, بۇل ساناتتاعى ادامدار تٶتەنشە جاعدايعا دەيٸن رەسمي تٷردە جۇمىس ٸستەپ, ەلەۋمەتتٸك تٶلەمدەر اۋدارىلسا, ال قازٸر تابىسىنان ايىرىلسا عانا 42 500 تەڭگە بەرٸلەدٸ.
«تٶرتٸنشٸدەن, ٶتٸنٸشٸ كەرٸ قايتارىلعان 1 ميلليوننان استام ادامنىڭ سوڭعى 12 ايدا مەملەكەتتٸك ساقتاندىرۋ قورىنا ەلەۋمەتتٸك تٶلەمدەرٸ تٶلەنبەگەن. مۇنداي تٶلەم نەگٸزگٸ شارت بولعاننان كەيٸن ٶتٸنٸشتەردٸ كەرٸ قايتارۋعا مەجبٷرمٸز. سوڭعىسى قايتىس بولىپ كەتكەن ادامداردىڭ نەمەسە شەتەلگە كٶشٸپ كەتٸپ, سول جاقتا تۇرىپ جاتقان ادامداردىڭ اتىنان دا ٶتٸنٸش بەرٸلٸپ جاتىر», - دەدٸ ول.
