1992 جىلدىڭ 2 ناۋرىزى قازاقستان تەۋەلسٸزدٸگٸن دٷنيەجٷزٸلٸك قوعامداستىق مويىنداعان ەل تاريحىنداعى ماڭىزدى وقيعاعا تولى كٷن. 29 جىل بۇرىن قازاقستان بٸرٸككەن ۇلتتار ۇيىمىنا 168-شٸ مٷشە-مەملەكەت اتاندى, دەپ حابارلايدى قر سٸم باسپاسٶز قىزمەتٸ.
1945 جىلى قۇرىلعان بۇۇ 76 جىل ٶتسە دە بٷگٸندە بالاماسىز ەمبەباپ جاھاندىق ۇيىم بولىپ قالا بەرەدٸ جەنە بٷكٸل ادامزاتتىڭ مٷددەسٸ مەن قاجەتتٸلٸگٸنە ايانباي قىزمەت ەتٸپ كەلەدٸ.
تەۋەلسٸزدٸك العان كەزدەن بەرٸ قازاقستان بۇۇ-مەن تابىستى ەكٸجاقتى ەرٸپتەستٸك ورناتىپ, ۇيىم جارعىسىنىڭ ماقساتتارى مەن قاعيداتتارىن تولىق ۇستاناتىنىن كٶرسەتتٸ. بۇۇ-مەن تيٸمدٸ ىنتىماقتاستىقتىڭ قالىپتاسۋىنا جوعارى دەڭگەيدەگٸ كٶپتەگەن بايلانىستار ىقپال ەتتٸ. 1992 جىلدان بەرٸ قازاقستان رەسپۋبليكاسىنىڭ پرەزيدەنتٸ ۇيىمنىڭ نيۋ-يوركتەگٸ شتاب-پەتەرٸنە 11 رەت بارىپ, باس اسسامبلەيانىڭ جوعارى دەڭگەيدەگٸ جالپىساياسي دەباتتارىندا 9 رەت سٶز سٶيلەدٸ. بۇۇ باس حاتشىلارى كوفي اننان, پان گي مۋن جەنە انتونيۋ گۋتتەريش ەلٸمٸزگە بٸرنەشە رەت رەسمي ساپارمەن كەلدٸ. قر پرەزيدەنتٸ قاسىم-جومارت توقاەۆ 2011-2013 جىلدارى بۇۇ باس حاتشىسىنىڭ ورىنباسارى – بۇۇ-نىڭ جەنەۆاداعى بٶلٸمشەسٸنٸڭ باس ديرەكتورى قىزمەتٸن اتقاردى.
ەر جىلدارى بۇۇ-نىڭ مٸنبەرٸنەن ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆ جارييالاعان قازاقستاننىڭ نەگٸزگٸ حالىقارالىق باستامالارىنىڭ قاتارىنا ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەستٸ شاقىرۋ, بۇۇ-نىڭ ورتالىق ازييا ەكونوميكاسى ٷشٸن ارنايى باعدارلاماسىن قۇرۋ, 29 تامىزدى حالىقارالىق يادرولىق سىناقتارعا قارسى ٸس-قيمىل كٷنٸ دەپ جارييالاۋ, بيولوگييالىق قاۋٸپسٸزدٸك جٶنٸندەگٸ حالىقارالىق اگەنتتٸكتٸ قۇرۋ جەنە ت.ب جاتادى.
ۇيىمداعى مٷشەلٸگٸمٸزدٸڭ شارىقتاۋ شەگٸ - قازاقستاننىڭ 2017-2018 جىلدار ارالىعىندا ورتالىق ازييادا بٸرٸنشٸ بولىپ بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸنە سايلانۋى بولدى. بەيبٸتشٸلٸك پەن قاۋٸپسٸزدٸكتٸ قامتاماسىز ەتەتٸن نەگٸزگٸ ورگانعا مٷشە بولۋ قازاقستاننىڭ حالىقارالىق قاۋىمداستىقتاعى بەلسەندٸ جەنە جاۋاپتى سەرٸكتەس رەتٸندەگٸ بەدەلٸن نىعايتۋعا مٷمكٸندٸك بەردٸ.
قازاقستاننىڭ بۇۇ-مەن ەكٸجاقتى قارىم-قاتىناسى تەك ەلەمدٸك جەنە ايماقتىق دەڭگەيمەن عانا شەكتەلمەي, ەلٸمٸزدە دە قارقىندى دامىپ كەلەدٸ. قر ٷكٸمەتٸنٸڭ بۇۇ-مەن ىنتىماقتاستىعى 2021-2025 جىلدارعا ارنالعان تۇراقتى دامۋ جٶنٸندەگٸ ىنتىماقتاستىقتىڭ نەگٸزدەمەلٸك باعدارلاماسى شەڭبەرٸندە جٷزەگە اسادى. ول ٷش باعىتتاعى جۇمىستى قامتيدى: ادامي دامۋ جەنە تەڭ قاتىسۋ; تيٸمدٸ ينستيتۋتتار, ادام قۇقىقتارى جەنە گەندەرلٸك تەڭدٸك; تۇراقتى قورشاعان ورتا جەنە ينكليۋزيۆتٸ ەكونوميكالىق دامۋ.
قازٸرگٸ ۋاقىتتا قازاقستاندا ۇيىم جٷيەسٸنٸڭ 23 قۇرىلىمى جۇمىس ٸستەيدٸ.
2019 جىلدىڭ 1 مامىرىندا قر پرەزيدەنتٸنٸڭ قاتىسۋىمەن الماتىدا بۇۇ جٷيەسٸنٸڭ 16 ۇيىمى ورنالاسقان حالىقارالىق ۇيىمداردىڭ جاڭا عيماراتى اشىلدى.
