فوتو: اشىق دەرەككٶز
قازاقستان رەسپۋبليكاسى دەنساۋلىق ساقتاۋ مينيسترلٸگٸ ەل اۋماعىندا زاڭسىز مەديتسينالىق قىزمەت كٶرسەتۋ مەن ەمدەۋ ستاندارتتارىنىڭ بۇزىلۋىن انىقتاۋ ماقساتىندا جەكە ەمشارا كابينەتتەرٸنە جٷرگٸزٸلەتٸن باقىلاۋدى كٷشەيتۋدە, دەپ حابارلايدى Ult.kz.
مينيسترلٸككە قاراستى مەديتسينالىق جەنە فارماتسەۆتيكالىق باقىلاۋ كوميتەتٸنٸڭ مەلٸمەتٸنشە, جٷرگٸزٸلگەن مونيتورينگ بارىسىندا 1900 جەكە ەمشارا كابينەتٸنٸڭ 408-ٸ تيٸستٸ ليتسەنزيياسىز جۇمىس ٸستەگەنٸ انىقتالعان.
تەكسەرۋ نەتيجەسٸندە 270 ەمشارا كابينەتٸ ٶز قىزمەتٸن ەرٸكتٸ تٷردە توقتاتتى. سونىمەن قاتار, بٸرقاتار نىساندار قىزمەتٸن زاڭداستىرۋعا نيەت بٸلدٸرٸپ, رۇقسات قۇجاتتارىن رەسٸمدەۋگە كٸرٸسكەن. تاعى 116 نىسانعا قاتىستى جوسپاردان تىس تەكسەرۋلەر باستالعان.
اياقتالعان تەكسەرۋلەر قورىتىندىسى بويىنشا بٸرقاتار جٷيەلٸ زاڭبۇزۋشىلىقتار تٸركەلدٸ. اتاپ ايتقاندا, مەديتسينالىق قىزمەتتٸ ليتسەنزيياسىز جٷزەگە اسىرۋ, سانيتارييالىق تالاپتاردى ساقتاماۋ, دەرٸلٸك زاتتاردى دۇرىس ساقتاماۋ, بٸلٸكتٸ مامانداردىڭ جەتٸسپەۋٸ جەنە شۇعىل كٶمەك كٶرسەتۋگە ارنالعان قاجەتتٸ قۇرالداردىڭ بولماۋى انىقتالعان.
باقىلاۋ شارالارى نەتيجەسٸندە 147 ەكٸمشٸلٸك حاتتاما تولتىرىلىپ, جالپى سوماسى 16 ميلليون تەڭگەدەن استام ايىپپۇل سالىندى.
مينيسترلٸك ٶكٸلدەرٸ قابىلدانىپ جاتقان شارالار ەڭ الدىمەن پاتسيەنتتەردٸڭ قاۋٸپسٸزدٸگٸن قامتاماسىز ەتۋگە, مەديتسينالىق قىزمەت ساپاسىن ارتتىرۋعا جەنە زاڭ تالاپتارىنىڭ ساقتالۋىن باقىلاۋعا باعىتتالعانىن اتاپ ٶتتٸ.
