فوتو: Pexels.com
1997 جىلى قىزىلوردا تۇرعىنى 120 مىڭ تەڭگەگە 3 بٶلمەلٸ پەتەر ساتىپ الىپ, قۇجاتسىز پايدالانعاننان كەيٸن, 27 جىل ٶتكەندە سوت ارقىلى پەتەرگە مەنشٸك قۇقىعىنا يە بولدى, دەپ حابارلايدى Ult.kz.
سول كەزدە ساتۋشىدان پەتەردٸڭ تەحنيكالىق تٶلقۇجاتى مەن كٸلتٸن العانىمەن, ساتىپ الۋ-ساتۋ شارتى جاسالماي, پەتەر ساتۋشىنىڭ اتىنا تٸركەلگەن كٷيدە قالعان. ۋاقىت ٶتە كەلە ساتىپ الۋشى قايتىس بولىپ, جەسٸر قالعان ەيەلٸ مۇراگەرلٸككە پەتەردٸ ٶزٸنٸڭ اتىنا رەسٸمدەۋدٸ سۇراعانىمەن, ساتۋشىنىڭ الماتىعا كٶشۋٸنە بايلانىستى بۇل پروتسەسس سوزىلىپ كەلگەن.
جەسٸر ەيەل بٸرنەشە جىل بويى پەتەردٸ كوممۋنالدىق تٶلەمدەر مەن جٶندەۋ جۇمىستارىنىڭ اۋىرتپالىعىن ٶز موينىنا الىپ, پەتەردٸ ٷزدٸكسٸز, اشىق پايدالانعان. وسى سەبەپپەن قىزىلوردا قالالىق سوتىنا مەنشٸك قۇقىعىن تانۋ تۋرالى تالاپ قويعان.
سوت بارىسىندا جاۋاپكەر تاراپ پەتەردٸ ساتقانىن راستاپ, تالاپتى مويىنداعان. قازاقستان رەسپۋبليكاسىنىڭ ازاماتتىق كودەكسٸنٸڭ 240-بابىنا سەيكەس, 7 جىل بويى ادال, اشىق جەنە تۇراقتى پايدالانعان ازاماتتار مٷلٸككە مەنشٸك قۇقىعىن الا الاتىنىنا سٷيەنگەن سوت شەشٸمٸ بويىنشا, جەسٸر ەيەلدٸڭ تالاپ-ارىزى قاناعاتتاندىرىلدى.
سوت شەشٸمٸ ەزٸرگە زاڭدى كٷشٸنە ەنگەن جوق.
