Foto: Pexels.com
1997 jyly Qyzylorda turǵyny 120 myń teńgege 3 bólmeli páter satyp alyp, qujatsyz paidalanǵannan keiin, 27 jyl ótkende sot arqyly páterge menshik quqyǵyna ie boldy, dep habarlaidy Ult.kz.
Sol kezde satýshydan páterdiń tehnikalyq tólqujaty men kiltin alǵanymen, satyp alý-satý sharty jasalmai, páter satýshynyń atyna tirkelgen kúide qalǵan. Ýaqyt óte kele satyp alýshy qaitys bolyp, jesir qalǵan áieli muragerlikke páterdi óziniń atyna rásimdeýdi suraǵanymen, satýshynyń Almatyǵa kóshýine bailanysty bul protsess sozylyp kelgen.
Jesir áiel birneshe jyl boiy páterdi kommýnaldyq tólemder men jóndeý jumystarynyń aýyrtpalyǵyn óz moinyna alyp, páterdi úzdiksiz, ashyq paidalanǵan. Osy sebeppen Qyzylorda qalalyq sotyna menshik quqyǵyn taný týraly talap qoiǵan.
Sot barysynda jaýapker tarap páterdi satqanyn rastap, talapty moiyndaǵan. Qazaqstan Respýblikasynyń Azamattyq kodeksiniń 240-babyna sáikes, 7 jyl boiy adal, ashyq jáne turaqty paidalanǵan azamattar múlikke menshik quqyǵyn ala alatynyna súiengen sot sheshimi boiynsha, jesir áieldiń talap-aryzy qanaǵattandyryldy.
Sot sheshimi ázirge zańdy kúshine engen joq.
