اتىراۋ وبلىسىندا بەكٸرە تۇقىمداس بالىقتى زاڭسىز اۋلاعان براكونەرلەر ۇستالدى. بۇل جايىندا قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ باسپاسٶز حاتشىسى سەكەن دٸلداحمەت Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
ونىڭ اتاپ ٶتۋٸنشە, 2019 جىلعى 5 قىركٷيەك كٷنٸ اتىراۋ وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنىڭ قىزمەتكەرلەرٸ كاسپيي تەڭٸزٸنٸڭ سولتٷستٸك بٶلٸگٸنە شولعىنداۋ شاراسىن جٷرگٸزگەن. شامامەن ساعات 12-30-دا ينسپەكتسييا قىزمەتكەرلەرٸ 200 اتتىڭ كٷشٸ بار اسپالى «ياماحا», موتورلى «بايدا» قايىعىن مٸنگەن اتىراۋ قالاسىنىڭ 2 تۇرعىنىن قولعا تٷسٸرگەن.
«جٷزۋ قۇرالىن تەكسەرۋ بارىسىندا جالپى سالماعى 264 كەلٸ بولاتىن بەكٸرە تۇقىمداس 92 بالىق, جالپى سالماعى 34 كەلٸ بولاتىن 39 دانا بەكٸرە تۇقىمداس بالىقتىڭ باسى, سالماعى 22 كەلٸ تارتاتىن 2 سازان, سونىمەن قاتار ۇزىندىعى شامامەن 300 مەتر بولاتىن اۋ مەن «گارمين» سپۋتنيكتٸك ناۆيگاتسيياسى قۇرالى تابىلىپ, تەركٸلەندٸ. تەركٸلەنگەن بالىق جايىق-اتىراۋ بەكٸرە بالىعى شارۋاشىلىعى زاۋىتىنا تاپسىرىلىپ, ال «بايدا» قايىعى اتىراۋ قالالىق پوليتسييا باسقارماسىن ۋاقىتشا ساقتاۋعا جەتكٸزٸلدٸ. اتالعان فاكتٸ بويىنشا وقيعا ورنىنان اتىراۋ قالالىق پب جەدەل تەرگەۋ توبى شاقىرىلدى. جينالعان ماتەريال قر قك 335 بابى بويىنشا قىلمىستىق ٸس قوزعاۋ ٷشٸن پوليتسييا قىزمەتكەرلەرٸنە تاپسىرىلدى», - دەدٸ س.دٸلداحمەت.
