قازاقستاندىق جاس رەجيسسەر رامازان حاليوللانىڭ «دومبىرا» فيلمٸ نيۋ-دەلي قالاسىندا ٶتكەن 8-شٸ حالىقارالىق قىسقامەتراجدى فيلمدەر كينوفەستيۆالٸندە (Delhi Shorts International Film Festival) جٷلدەلٸ بولدى, دەپ حابارلايدى "ۇلت اقپارات".
«قازاقفيلم» اق-نىڭ باسپاسٶز قىزمەتٸنەن مەلٸم ەتكەندەي, كارتينا «ٷزدٸك فيلم» اتالىمىندا جەڭٸمپاز اتاندى.
قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا, ش.ايمانوۆ اتىنداعى «قازاقفيلم» اق-نىڭ «دەبيۋت» شىعارماشىلىق-ٶندٸرٸستٸك بٸرلەستٸگٸ تٷسٸرگەن كينوفيلم دومبىرانىڭ قۇلاعىندا ويناپ, ٷلكەن ساحنادا ٶنەر كٶرسەتۋدٸ ارمانداعان ەسەت ەسٸمدٸ بالانىڭ ٶمٸرٸن باياندايدى.
ايتا كەتسەك, اتالعان تۋىندى بيىل الماتىدا ٶتكەن «Baiqonyr ISFF» IV حالىقارالىق كينوفەستيۆالٸنٸڭ كونكۋرستان تىس باعدارلاماسىندا كٶرسەتٸلٸپ, «برودۆەيدٸڭ تاڭداۋى» سىيلىعىن الدى.
نيۋ-دەليدەگٸ DSIFF حالىقارالىق كينوفەستيۆالٸ العاش رەت 2012 جىلى ٶتكەن بولاتىن. ۇيىمداستىرۋشىسى – Miniboxoffice ٷندٸ كومپانيياسى. بيىل فەستيۆالدٸڭ حالىقارالىق قازىلار القاسىن يسپان رەجيسسەرٸ ۆيكتور مانۋەل لوپەسمۋنوس باسقاردى. سونىمەن قاتار, قازىلار القاسى قۇرامىندا: پروديۋسەر ۆيكتورييا سيل (جاپونييا), رەجيسسەر راكەل رۋيز (ارگەنتينا), رەجيسسەر پراشانت سەگال (ٷندٸستان) بولدى.
رامازان حاليوللا 1994 جىلى 15 مامىردا قاراعاندى وبلىسى, بالحاش قالاسىندا دٷنيەگە كەلگەن. 2012-2017 جىلدار ارالىعىندا نۇرسۇلتان قالاسىنداعى قازاق ۇلتتىق ٶنەر ۋنيۆەرسيتەتٸندە «رەجيسسەر, كينو جەنە تەلەارنا پروديۋسسەرٸ» ماماندىعى بويىنشا وقىعان.
