فوتو youtube.com
25 ناۋرىز تاڭىنداعى احۋال بويىنشا ەل اۋماعىنداعى بٸرقاتار رەسپۋبليكالىق ماڭىزى بار اۆتوجولداردا قوزعالىس رەجيمٸ قايتا قارالدى. قازاۆتوجول ۇسىنعان مەلٸمەتكە سەيكەس, كەي باعىتتاردا كٶلٸك قوزعالىسى قالپىنا كەلتٸرٸلسە, ەندٸ بٸر ۋچاسكەلەردە اۋا رايىنىڭ قولايسىزدىعىنا بايلانىستى شەكتەۋلەر ەنگٸزٸلگەن, دەپ حابارلايدى Ult.kz.
قازٸرگٸ ۋاقىتتا كەلەسٸ جول ۋچاسكەلەرٸندە كٶلٸكتٸڭ بارلىق تٷرٸ ٷشٸن جول اشىلدى:
قاراعاندى وبلىسى: «قىزىلوردا — جەزقازعان — قاراعاندى — شٸدەرتٸ» تاس جولىنىڭ 970-1135 شاقىرىمى (قاراعاندى قالاسىنان پاۆلودار وبلىسىنىڭ شەكاراسىنا دەيٸن);
پاۆلودار وبلىسى: دەل وسى جولدىڭ 1135-1206 شاقىرىمى (قاراعاندى وبلىسىنىڭ شەكاراسىنان شٸدەرتٸ كەنتٸنە دەيٸن).
قاي جولدار جابىق?
اۋا رايى مەن جول جاعدايىنا بايلانىستى كەلەسٸ باعىتتاردا كٶلٸك قوزعالىسىنا تىيىم سالىندى:
اقمولا وبلىسى: «استانا — قاراعاندى — الماتى» تاسجولى (جٸبەك جولى اقىلى ٶتۋ پۋنكتٸنەن قاراعاندى وبلىسىنىڭ شەكاراسىنا دەيٸن);
سولتٷستٸك قازاقستان وبلىسى: «تيميريازەۆو — سارىكٶل — قوستاناي وبلىسىنىڭ شەكاراسى» (تيميريازەۆو اۋىلىنان وبلىس شەكاراسىنا دەيٸن);
پاۆلودار وبلىسى: «استانا — شٸدەرتٸ — پاۆلودار — ۋسپەنكا — رف شەكاراسى» (قالقامان جول ايرىعى ماڭىندا).
شىعىس قازاقستان وبلىسىنداعى وسينوۆ اسۋىندا كٷردەلٸ تاۋ جاعدايىنا بايلانىستى تٸركەمەسٸ بار جٷك كٶلٸكتەرٸ ٷشٸن شەكتەۋ ەلٸ دە ٶز كٷشٸندە.
