Foto youtube.com
25 naýryz tańyndaǵy ahýal boiynsha el aýmaǵyndaǵy birqatar respýblikalyq mańyzy bar avtojoldarda qozǵalys rejimi qaita qaraldy. QazAvtoJol usynǵan málimetke sáikes, kei baǵyttarda kólik qozǵalysy qalpyna keltirilse, endi bir ýchaskelerde aýa raiynyń qolaisyzdyǵyna bailanysty shekteýler engizilgen, dep habarlaidy Ult.kz.
Qazirgi ýaqytta kelesi jol ýchaskelerinde kóliktiń barlyq túri úshin jol ashyldy:
Qaraǵandy oblysy: «Qyzylorda — Jezqazǵan — Qaraǵandy — Shiderti» tas jolynyń 970-1135 shaqyrymy (Qaraǵandy qalasynan Pavlodar oblysynyń shekarasyna deiin);
Pavlodar oblysy: Dál osy joldyń 1135-1206 shaqyrymy (Qaraǵandy oblysynyń shekarasynan Shiderti kentine deiin).
Qai joldar jabyq?
Aýa raiy men jol jaǵdaiyna bailanysty kelesi baǵyttarda kólik qozǵalysyna tyiym salyndy:
Aqmola oblysy: «Astana — Qaraǵandy — Almaty» tasjoly (Jibek joly aqyly ótý pýnktinen Qaraǵandy oblysynyń shekarasyna deiin);
Soltústik Qazaqstan oblysy: «Timiriazevo — Sarykól — Qostanai oblysynyń shekarasy» (Timiriazevo aýylynan oblys shekarasyna deiin);
Pavlodar oblysy: «Astana — Shiderti — Pavlodar — Ýspenka — RF shekarasy» (Qalqaman jol airyǵy mańynda).
Shyǵys Qazaqstan oblysyndaǵy Osinov asýynda kúrdeli taý jaǵdaiyna bailanysty tirkemesi bar júk kólikteri úshin shekteý áli de óz kúshinde.
