فوتو: اشىق دەرەككٶز
قازاقستان رەسپۋبليكاسى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ استانا قالاسى بويىنشا دەپارتامەنتٸ «R-Finance» ميكروقارجى ۇيىمى» جشس ەرەكەتتەرٸنەن جوسىقسىز بەسەكەلەستٸك بەلگٸلەرٸن انىقتادى, دەپ حابارلايدى Ult.kz.
ٶتٸنٸشتەر نەگٸزٸندە جٷرگٸزٸلگەن تەكسەرۋ بارىسىندا كومپانييا «بٸز بەسەكەلەستەرگە قاراعاندا 15%-عا كٶپ ماقۇلدايمىز» دەگەن مازمۇنداعى جارنامالىق SMS-حابارلامالاردى جاپپاي تاراتقانى بەلگٸلٸ بولدى. الايدا بۇل اقپاراتتىڭ شىنايىلىعىن راستايتىن ناقتى دەلەلدەر ۇسىنىلماعان. اگەنتتٸك مەلٸمەتٸنشە, مۇنداي حابارلامالار 24 مىڭنان استام ۇيالى بايلانىس ابونەنتٸنە جولدانعان.
تەكسەرۋ كەزٸندە تاعى بٸر زاڭبۇزۋشىلىق فاكتٸسٸ انىقتالعان. اتاپ ايتقاندا, كومپانييا بەسەكەلەس ۇيىم قىزمەتكەرلەرٸنە كليەنتتەردٸ «R-Finance» مقۇ-نا تارتقانى ٷشٸن اقشالاي سىياقى ۇسىنعان. بۇل ەرەكەت بەسەكەلەس ۇيىمدارعا زالال كەلتٸرۋٸ مٷمكٸن دەپ باعالاندى.
تەكسەرۋ قورىتىندىسى بويىنشا دەپارتامەنت كومپانيياعا جوسىقسىز بەسەكەلەستٸك بەلگٸلەرٸ بار ەرەكەتتەردٸ توقتاتۋ تۋرالى حابارلاما جولداعان.
قازٸرگٸ ۋاقىتتا «R-Finance» ميكروقارجى ۇيىمى بۇل تالاپتى ورىنداعان. كومپانييا ماركەتينگتٸك ماتەريالدارعا ٸشكٸ اۋديت جٷرگٸزٸپ, جارنامالىق قىزمەتكە قوسىمشا باقىلاۋ تەتٸكتەرٸن ەنگٸزگەن.
