Foto: ashyq derekkóz
Qazaqstan Respýblikasy Básekelestikti qorǵaý jáne damytý agenttiginiń Astana qalasy boiynsha departamenti «R-Finance» mikroqarjy uiymy» JShS áreketterinen josyqsyz básekelestik belgilerin anyqtady, dep habarlaidy Ult.kz.
Ótinishter negizinde júrgizilgen tekserý barysynda kompaniia «Biz básekelesterge qaraǵanda 15%-ǵa kóp maquldaimyz» degen mazmundaǵy jarnamalyq SMS-habarlamalardy jappai taratqany belgili boldy. Alaida bul aqparattyń shynaiylyǵyn rastaityn naqty dálelder usynylmaǵan. Agenttik málimetinshe, mundai habarlamalar 24 myńnan astam uialy bailanys abonentine joldanǵan.
Tekserý kezinde taǵy bir zańbuzýshylyq faktisi anyqtalǵan. Atap aitqanda, kompaniia básekeles uiym qyzmetkerlerine klientterdi «R-Finance» MQU-na tartqany úshin aqshalai syiaqy usynǵan. Bul áreket básekeles uiymdarǵa zalal keltirýi múmkin dep baǵalandy.
Tekserý qorytyndysy boiynsha departament kompaniiaǵa josyqsyz básekelestik belgileri bar áreketterdi toqtatý týraly habarlama joldaǵan.
Qazirgi ýaqytta «R-Finance» mikroqarjy uiymy bul talapty oryndaǵan. Kompaniia marketingtik materialdarǵa ishki aýdit júrgizip, jarnamalyq qyzmetke qosymsha baqylaý tetikterin engizgen.
