فوتو: KamranAydinov/Freepik
دەنساۋلىق ساقتاۋ مينيسترٸ اجار عينييات 21 جاسقا دەيٸنگٸ ازاماتتارعا ەنەرگەتيكالىق سۋسىن ساتۋعا تىيىم سالىنۋى مٷمكٸن ەكەنٸن ايتتى, - دەپ حابارلايدى Massaget.kz پورتالى.
مينيستر بۇل بالالاردىڭ دەنساۋلىعىنا ەسەر ەتەتٸنٸن جەتكٸزدٸ.
"قازٸرگٸ تاڭدا مەجٸلٸستە دەنساۋلىق ساقتاۋ سالاسىنا بايلانىستى زاڭ قارالىپ جاتىر. سول زاڭنىڭ شەڭبەرٸندە 21 جاسقا دەيٸنگٸ ازاماتتارعا, بالالارعا ەنەرگەتيكالىق سۋسىن ساتپاۋ تۋرالى نورما قاراستىرىلىپ جاتىر. دەنساۋلىق ساقتاۋ مينيسترلٸگٸ تاراپىنان بۇل نورمانى قولداپ وتىرمىز. ٶيتكەنٸ بۇل بالالار مەن جاستاردىڭ دەنساۋلىعىنا تٸكەلەي بايلانىستى دٷنيە", - دەدٸ مينيستر.
مينيسترلٸك ٶكٸلدەرٸ مۇنداي سۋسىندارعا نەگە بٸرجولا تىيىم سالىنبايتىنىن تٷسٸندٸردٸ.
"شەكتەپ, ٸشنارا ٸشەتٸن بولسا, ەنەرگەتيكالىق سۋسىنداردىڭ دەنساۋلىققا زييانى جوق. بٸراق بالالاردىڭ 9 پايىزدان استامى ەرتٷرلٸ تەتتٸ سۋسىنداردى كٷندە ٸشەدٸ ەكەن. بۇل سەمٸزدٸككە, قانت ديابەتٸ, جٷرەك قان تامىرلارى اۋرۋلارىنا ەكەپ سوعادى. بالالار مٶلشەرٸن بٸلمەي, ٶز دەنساۋلىعىنا جاۋاپ بەرە المايدى. ال ەرەسەك ازاماتتار ٶز دەنساۋلىعىنا ٶزٸ جاۋاپ بەرۋٸ كەرەك. سوندىقتان جاپپاي تىيىم سالۋ دۇرىس ەمەس دەپ سانايمىن", - دەدٸ اجار عينييات.
ەلەۋمەتتٸك جەلٸدە ادامداردىڭ Gorilla سۋسىنىن ٸشٸپ, اۋىر ناۋقاسقا شالدىققانى تۋرالى ۆيدەولار جيٸ تارايدى.
جۋرناليستٸڭ "بۇل اقپاراتقا سەنۋگە بولا ما?" دەگەن سۇراعىنا مينيستر ناقتى جاۋاپ بەرمەدٸ.
