قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ اتاۋلى ەلەۋمەتتٸك كٶمەك قانشا كٶلەمدە ارتقانىن ايتتى, دەپ حابارلايدى قازاقپارات.
«اتاۋلى ەلەۋمەتتٸك كٶمەكتٸ رەفورمالاۋعا دايىندىق دٷنيەجٷزٸلٸك بانكپەن ىنتىماقتاستىق شەڭبەرٸندە ٷشٸنشٸ كەزەڭدە باستالدى. وسىلايشا, 2014-2017 جىلدار ارالىعىندا ەلٸمٸزدە كەزەڭ-كەزەڭٸمەن «ٶرلەۋ» پيلوتتىق جوباسى ٸسكە اسىرىلدى, نەتيجەسٸندە كٶمەك الۋشىلار ٷشٸن ەلەۋمەتتٸك كەلٸسٸمشارتتار جٷيەسٸ, كٶمەك الۋ شارتتارى, سونداي-اق تابىسى از وتباسىلاردى سٷيەمەلدەۋ پراكتيكاسى ەنگٸزٸلدٸ. وسى ماقساتتاردا بيۋدجەتتەن 14,8 ملرد تەڭگە بٶلٸندٸ. اەك بويىنشا رەفورمالاردى 2018 جىلى جالعاستىرا وتىرىپ, بٸز اەك تاعايىنداۋ قۇقىعىن (كەدەيلٸك شەگٸن) انىقتاۋ ٷشٸن تابىس دەڭگەيٸنە قويىلاتىن ٶلشەمدەردٸ العاش رەت ٶزگەرتتٸك, ول ەڭ تٶمەن كٷنكٶرٸس دەڭگەيٸنٸڭ 40-تان 50 پايىزعا دەيٸن كٶتەرٸلدٸ. نەتيجەسٸندە, اەك الۋشىلار سانى 20 ەسە ارتتى (2017 جىلمەن سالىستىرعاندا- اۆت.). بيىل 27 اقپاندا ەلباسىنىڭ «نۇر وتان» پارتيياسىنىڭ XVIII سەزٸندە بەرگەن تاپسىرماسىن جٷزەگە اسىرۋ ماقساتىندا اەك تاعايىنداۋ تەتٸگٸ ٶزگەرتٸلدٸ», - دەپ توقتالدى مينيستر پارلامەنت مەجٸلٸسٸندەگٸ ٷكٸمەت ساعاتىندا.
اتاپ ايتقاندا, وسى جىلعى 1 سەۋٸردەن باستاپ كەدەيلٸك شەگٸ 50-دەن 70 پايىزعا دەيٸن ٶستٸ (14 849-دان 20 789 تەڭگەگە دەيٸن); تابىسى از وتباسىنان شىققان ەربٸر بالاعا اەك مٶلشەرٸ 20 789 تەڭگە كٶلەمٸندە بەلگٸلەنگەن.
سونىمەن قاتار, شارتسىز اقشالاي كٶمەك كٶرسەتۋ مەرزٸمٸ 3 ايدان 6 ايعا دەيٸن, شارتتى اقشالاي كٶمەك 6 ايدان 12 ايعا دەيٸن ۇزارتىلدى.
«بيىلعى قاراشا ايىنىڭ باسىنداعى جاعدايمەن, شامامەن 456 مىڭ وتباسى نەمەسە 2,1 ملن ادام مەملەكەتتەن ناقتى قولداۋ الدى. بۇل وسى جىلعى 1 توقسانداعى ۇقساس كٶرسەتكٸشتەردەن 7,7 ەسە ارتىق. تاعايىندالعان اەك ورتاشا مٶلشەرٸ دە 1,8 ەسە ارتتى. العاشقى رەت بيۋدجەتتە اەك تٶلەۋگە 245 ملرد تەڭگە كٶزدەلگەن», - دەدٸ ب. نۇرىمبەتوۆ.
