ەزەربايجانداعى قاۋٸپسٸزدٸك مينيسترلٸگٸ بۇرىنعى باسشىسىنىڭ بالالارى ۇلىبريتانييادا بٸرنەشە زەۋلٸم عيمارات, ونىڭ ٸشٸندە قۇنى 21 ميلليون دوللار تۇراتىن ٷي ساتىپ العان. بۇل تۋرالى Organized Crime and Corruption Reporting ۇيىمى, Finance Uncovered جوباسى جەنە Transparency International ۇيىمى جٷرگٸزگەن زەرتتەۋ نەتيجەسٸندە مەلٸم بولدى.
ەزەربايجان پرەزيدەنتٸ يلحام ەليەۆ 2015 جىلى ۇلتتىق قاۋٸپسٸزدٸك مينيسترٸ ەلدار ماحمۋدوۆتى سەبەبٸن تٷسٸندٸرمەستەن قىزمەتٸنەن بوساتقان. 2019 جىلى قاراشادا حاكەرلەر كايمان ارالدارىنىڭ ۇلتتىق بانكٸ كليەنتتەرٸ جايلى اقپاراتتى قولدى ەتٸپ, بار اقپاراتتى كٶپشٸلٸككە جارييا ەتكەن. سونداعى اقپاراتقا سەيكەس, ماحمۋدوۆتار وتباسى قۇنى 111 ميلليون دوللار بولاتىن بينەس-يمپەرييا قۇرعان.
زەرتتەۋشٸلەر وتباسى اكتيۆتەرٸنٸڭ جارتىسىنا جۋىعى ماحمۋدوۆتىڭ 26 جاستاعى ۇلى انار مەن 31 جاستاعى قىزى نارگيزگە قاتىسى بار كومپانييالار ارقىلى ساتىپ الىنعانىن ەشكەرە قىلعان.
زەرتتەۋ اۆتورلارى جىلجىمايتىن مٷلٸك اراسىندا پۋل جەنە بورنمۋت قالالارىنداعى قۇنى 16,7 ميلليون دوللار تۇراتىن كەڭسە عيماراتتارىن انىقتاعان. بۇعان قوسا لوندوننىڭ نايتسبريدج اۋدانىنداعى تٶرت قاباتتى عيمارات انار ماحمۋدوۆقا تيەسٸلٸ ەكەنٸ بەلگٸلٸ بولعان. عيمارات قۇنى - 21 ميلليون دوللار.
2018 جىلى لوندوندا 10 جىل تۇرعان ماحمۋدوۆتىڭ ەنەسٸ – زاميرا حادجيەۆا, ەيگٸلٸ Harrods ساۋدا ٷيٸنەن وسى جىلدار ارالىعىندا 21 ميلليون دوللارعا ساۋدا جاساعانى حابارلانعان. لوندون بيلٸگٸ 55 جاستاعى حادجيەۆا اقشانىڭ قايدان كەلگەنٸن تٷسٸندٸرۋٸن مٸندەتتەپ, مٷلكٸن تەركٸلەگەن. بيىل اقپاندا حادجيەۆا بۇل ٸسكە قاتىستى اپپەلياتسييالىق سوتتا جەڭٸلٸپ قالدى. ەندٸ ول اقشاسى قايدان كەلگەنٸن دەلەلدەۋٸ تيٸس.
Finance Uncovered باسىلىمىنا سۇقبات بەرگەن انار مەن نارگيز ماحمۋدوۆتاردىڭ ادۆوكاتى وتباسىنىڭ بايلىعى 19 عاسىردا ەڭبەك ەتٸپ, تابىستى بولعان اتالارىنىڭ بٸرٸ اسلان اشۋروۆتان قالعان دەپ تٷسٸندٸرگەن. زاڭگەرلەردٸڭ سٶزٸنشە, بارلىق اكتيۆتەر زاڭدى تٷردە تٸركەلگەن.
زەرتتەۋ اۆتورلارى ماحمۋدوۆتار وتباسىنىڭ يسپانييا, ليۋكسەمبۋرگ جەنە ليتۆا ەلدەرٸندە دە بٸرنەشە كومپانيياسى مەن جىلجىمايتىن مٷلكٸ بارىن ايتادى.
