.webp)
فوتو: kinopoisk.ru
BBC كينوسىنشىلارى 2026 جىلعى «وسكار» سىيلىعى قارساڭىندا نەگٸزگٸ نوميناتسييالار بويىنشا سوڭعى بولجامدارىن جارييالادى. ساراپشىلاردىڭ پٸكٸرٸنشە, بيىل بٸرنەشە كاتەگورييادا ايقىن فاۆوريتتەر بار, ال كەيبٸرٸندە بەسەكە ٶتە تارتىستى بولۋى مٷمكٸن, دەپ حابارلايدى Ult.kz.
ٷزدٸك فيلم نوميناتسيياسىندا باستى تارتىس «بٸر شايقاستان كەيٸن تاعى بٸر شايقاس» پەن «كٷنەھارلار» (One Battle After Another مەن Sinners) اراسىندا ٶتەدٸ. سىنشىلاردىڭ بٸر بٶلٸگٸ پول توماس اندەرسوننىڭ فيلمٸن فاۆوريت ساناسا دا, سوڭعى ماراپاتتاردان كەيٸن «كٷنەھارلار» جەڭٸسكە جەتۋٸ مٷمكٸن دەگەن بولجام بار.
ٷزدٸك رەجيسسەر اتالىمىندا پول توماس اندەرسون نەگٸزگٸ ٷمٸتكەر رەتٸندە اتالادى. ونىڭ «بٸر شايقاستان كەيٸن تاعى بٸر شايقاس» فيلمٸ ماۋسىم بويى تٷرلٸ سىيلىقتاردى جەڭٸپ الىپ, رەجيسسەردٸڭ مانسابىنداعى ەڭ مىقتى جۇمىستاردىڭ بٸرٸ دەپ باعالانىپ وتىر.
ٷزدٸك اكتريسا نوميناتسيياسىندا ساراپشىلاردىڭ كٶبٸ دجەسسي باكلي-دٸڭ «حامنەت» فيلمٸندەگٸ رٶلٸن فاۆوريت دەپ ەسەپتەيدٸ. ول شەكسپيردٸڭ جۇبايىنىڭ بەينەسٸن ەسەرلٸ سومداپ, ماۋسىم بويى باستى ٷمٸتكەر رەتٸندە قاراستىرىلىپ كەلەدٸ.
فوتو: Universal Pictures
ٷزدٸك اكتەر اتالىمىندا كٷرەس ٶتە تارتىستى. سوڭعى ماراپاتتاردان كەيٸن مايكل ب. دجوردان-نىڭ «كٷنەھارلار» فيلمٸندەگٸ رٶلٸ العا شىقتى. ال تيموتي شالامە-نٸڭ «مارتي سۋپريم» فيلمٸندەگٸ ويىنى دا جوعارى باعالانعانىمەن, ونىڭ مٷمكٸندٸگٸ سەل تٶمەندەگەن.
ەكٸنشٸ پلانداعى اكتەرلەر نوميناتسييالارىندا دا تارتىس بار. شون پەنن («بٸر شايقاستان كەيٸن تاعى بٸر شايقاس») مەن ستەللان سكارسگارد («سەنتيمەنتالدى قۇندىلىق») اراسىندا بەسەكە قاتتى بولۋى مٷمكٸن. ال تەيانا تەيلور مەن ەمي مەديگان ەكٸنشٸ پلانداعى ٷزدٸك اكتريسا نوميناتسيياسىندا باستى ٷمٸتكەرلەر سانالادى.
فوتو: Warner Bros
ٷزدٸك تٷپنۇسقا ستسەناريي بويىنشا «كٷنەھارلار» فاۆوريت. بۇل فيلم 2025 جىلعى ەڭ تابىستى تٷپنۇسقا جوبالاردىڭ بٸرٸ بولدى. ال «بٸر شايقاستان كەيٸن تاعى بٸر شايقاس» «ٷزدٸك بەيٸمدەلگەن ستسەناريي» نوميناتسيياسىندا نەگٸزگٸ ٷمٸتكەر رەتٸندە اتالىپ وتىر.
انيماتسييالىق فيلمدەر اراسىندا ساراپشىلار «K-pop جىن اۋلاۋشىلار» مۋلتفيلمٸن باستى فاۆوريت دەپ سانايدى.
فوتو: Netflix
ال ٷزدٸك حالىقارالىق فيلم اتالىمىندا «قۇپييا اگەنت» پەن «سەنتيمەنتالدى قۇندىلىق» فيلمدەرٸ اراسىندا تارتىس كٷتٸلۋدە.
BBC كينوسىنشىلارىنىڭ بولجامىنا قاراعاندا, بيىلعى «وسكار» جارىسى بٸرقاتار نوميناتسييادا الدىن الا بەلگٸلٸ بولعانىمەن, بٸرنەشە كاتەگورييادا نەتيجەنٸ سوڭعى سەتكە دەيٸن بولجاۋ قيىن.
ايتا كەتەيڭك, 98-شٸ «وسكار» سىيلىعىن تابىستاۋ رەسٸمٸ 15 ناۋرىز كٷنٸ ٶتەدٸ.
