.webp)
Foto: kinopoisk.ru
BBC kinosynshylary 2026 jylǵy «Oskar» syilyǵy qarsańynda negizgi nominatsiialar boiynsha sońǵy boljamdaryn jariialady. Sarapshylardyń pikirinshe, biyl birneshe kategoriiada aiqyn favoritter bar, al keibirinde báseke óte tartysty bolýy múmkin, dep habarlaidy Ult.kz.
Úzdik film nominatsiiasynda basty tartys «Bir shaiqastan keiin taǵy bir shaiqas» pen «Kúnáharlar» (One Battle After Another men Sinners) arasynda ótedi. Synshylardyń bir bóligi Pol Tomas Andersonnyń filmin favorit sanasa da, sońǵy marapattardan keiin «Kúnáharlar» jeńiske jetýi múmkin degen boljam bar.
Úzdik rejisser atalymynda Pol Tomas Anderson negizgi úmitker retinde atalady. Onyń «Bir shaiqastan keiin taǵy bir shaiqas» filmi maýsym boiy túrli syilyqtardy jeńip alyp, rejisserdiń mansabyndaǵy eń myqty jumystardyń biri dep baǵalanyp otyr.
Úzdik aktrisa nominatsiiasynda sarapshylardyń kóbi Djessi Bakli-diń «Hamnet» filmindegi rólin favorit dep esepteidi. Ol Shekspirdiń jubaiynyń beinesin áserli somdap, maýsym boiy basty úmitker retinde qarastyrylyp keledi.
Foto: Universal Pictures
Úzdik akter atalymynda kúres óte tartysty. Sońǵy marapattardan keiin Maikl B. Djordan-nyń «Kúnáharlar» filmindegi róli alǵa shyqty. Al Timoti Shalame-niń «Marti Sýprim» filmindegi oiyny da joǵary baǵalanǵanymen, onyń múmkindigi sál tómendegen.
Ekinshi plandaǵy akterler nominatsiialarynda da tartys bar. Shon Penn («Bir shaiqastan keiin taǵy bir shaiqas») men Stellan Skarsgard («Sentimentaldy qundylyq») arasynda báseke qatty bolýy múmkin. Al Teiana Teilor men Emi Medigan ekinshi plandaǵy úzdik aktrisa nominatsiiasynda basty úmitkerler sanalady.
Foto: Warner Bros
Úzdik túpnusqa stsenarii boiynsha «Kúnáharlar» favorit. Bul film 2025 jylǵy eń tabysty túpnusqa jobalardyń biri boldy. Al «Bir shaiqastan keiin taǵy bir shaiqas» «úzdik beiimdelgen stsenarii» nominatsiiasynda negizgi úmitker retinde atalyp otyr.
Animatsiialyq filmder arasynda sarapshylar «K-pop jyn aýlaýshylar» mýltfilmin basty favorit dep sanaidy.
Foto: Netflix
Al úzdik halyqaralyq film atalymynda «Qupiia agent» pen «Sentimentaldy qundylyq» filmderi arasynda tartys kútilýde.
BBC kinosynshylarynyń boljamyna qaraǵanda, biylǵy «Oskar» jarysy birqatar nominatsiiada aldyn ala belgili bolǵanymen, birneshe kategoriiada nátijeni sońǵy sátke deiin boljaý qiyn.
Aita keteińk, 98-shi «Oskar» syilyǵyn tabystaý rásimi 15 naýryz kúni ótedi.
