فوتو: اشىق دەرەككٶز
2026 جىلعى قاڭتار–اقپان ايلارىنىڭ قورىتىندىسى بويىنشا رەسپۋبليكالىق بيۋدجەتتٸڭ كٸرٸس بٶلٸگٸ تۇراقتى تٷردە ورىندالدى, دەپ حابارلايدى Ult.kz مەملەكەتتٸك كٸرٸستەر كوميتەتٸنە سٸلتەمە جاساپ.
2026 جىلعى 1 ناۋرىزداعى جاعدايعا سەيكەس, سالىقتىق تٷسٸمدەر جوسپارى 113,7%-عا ورىندالىپ, بيۋدجەتكە 2 979,0 ملرد تەڭگە تٷستٸ. ٶتكەن جىلدىڭ وسى كەزەڭٸمەن سالىستىرعاندا ٶسٸم 677,5 ملرد تەڭگەنٸ نەمەسە 129,4%-دى قۇرادى.
وڭ ديناميكا نەگٸزٸنەن بيۋدجەت قۇراۋشى نەگٸزگٸ سالىقتار ەسەبٸنەن قامتاماسىز ەتٸلدٸ. اتاپ ايتقاندا, كورپوراتيۆتٸك تابىس سالىعى (كتس) بويىنشا ٶسٸم 116,9%-دى قۇراپ, تٷسٸم 118,0 ملرد تەڭگەگە ارتتى. ال قوسىلعان قۇن سالىعى (ققس) بويىنشا ٶسٸم 138,8%-عا جەتٸپ, 428,6 ملرد تەڭگەگە ۇلعايدى.
سونىمەن قاتار اقپاراتتىق كەڭٸستٸكتە 2026 جىلدىڭ قاڭتار ايىنىڭ دەرەكتەرٸنە سٷيەنگەن جەكەلەگەن ساراپتامالىق باعالاۋلار جارييالانعان بولاتىن. الايدا مۇنداي قورىتىندىلار بيۋدجەت كٸرٸستەرٸنٸڭ ناقتى كٶرٸنٸسٸن تولىق كٶرسەتپەيدٸ. سەبەبٸ 2025 جىلدىڭ تٶرتٸنشٸ توقسانى بويىنشا بٸرقاتار نەگٸزگٸ تٶلەمدەردٸڭ مەرزٸمٸ 2026 جىلعى 25 اقپانعا دەيٸن بەلگٸلەنگەن.
وسىعان بايلانىستى تٷسٸمدەردٸڭ ەدەۋٸر بٶلٸگٸ دەستٷرلٸ تٷردە اقپان ايىنىڭ قورىتىندىسى بويىنشا قالىپتاسادى. نەتيجەسٸندە 1 ناۋرىزداعى جاعداي بويىنشا ققس جوسپارى 119,8%-عا ورىندالىپ, جوسپارلانعان 1 281,0 ملرد تەڭگەنٸڭ ورنىنا بيۋدجەتكە 1 534,5 ملرد تەڭگە تٷستٸ.
